Author: નોબત સમાચાર
જામનગરમાં લાલપુર બાયપાસ નજીકની કેનાલમાં કેમિકલ્સવાળા પાણીનો પ્રવાહ!
પ્રિ-મોન્સુનનો લાખોનો ખર્ચ પાણીમાં?
જામનગર તા. ૧૮ રણમલ તળાવમાં પાણી ઠાલવાની લાલપુર બાયપાસ-દરેડવાળી કેનાલમાં ગંદા-કેમિકલયુક્ત પાણી નજરે ચડી રહ્યા છે, જ્યારે લાખોના ખર્ચે થયેલ પ્રિ-મોન્સુન કામગીરી સામે સવાલો ઊઠવા પામ્યા છે.
જામનગરના તળાવમાં ગઈકાલે લગભગ એક ડઝન જેટલા માછલા-કાચબાના મૃત્યુ થયા હતાં. જેનું કારણ જાણવા પાણીના નમૂના લેવાયા છે અને તપાસ કરવામાં આવી રહી છે. હવે તેની તપાસમાં શું પગલા લેવાય છે એ તો આવનારા સમયમાં જ જાણવા મળશે.
રણમલ તળાવમાં પાણી ઠાલવતી દરેડ-લાલપુર બાયપાસ નજીકની ઓપન કેનાલ ગંદા, કેમિકલ્સયુક્ત કાળા પાણીથી ખદબદતી જોવા મળી રહી છે.
જ્યારે તાજેતરમાં જ લાખો રૂપિયાનું આંધણ કરી પ્રિ-મોન્સુન કામગીરી કરવામાં આવી હતી જે પૂર્ણ પણ જાહેર થઈ ચૂકી છે, ત્યારે સવાલ એવો ઊભો થાય છે કે આ પ્રિ-મોન્સુન કામગીરી કેવી થઈ હશે?
જો આ કેનાલમાં હૈયાત પાણી રણમલ તળાવમાં પહોંચાડવામાં આવશે તો ભૂગર્ભ જળના પાણીની ગુણવત્તા બગડશે.
લાખો રૂપિયાના ખર્ચની પ્રિ-મોન્સુન કામગીરી પછી આવી દશા છે, તો કમિશનરના ધ્યાનમાં નથી? શા માટે તેઓ કડક પગલાં લેતા નથી? તેવા વેધક સવાલો પણ ઊઠવા પામ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
