રાજયકક્ષાના ખેલ મહાકુંભમાં રાધે સ્કેટીંગ રીંગના ખેલાડીઓએ મેળવ્યા ૧૬ મેડલ

Author: નોબત સમાચાર

રાજયકક્ષાના ખેલ મહાકુંભમાં રાધે સ્કેટીંગ રીંગના ખેલાડીઓએ મેળવ્યા ૧૬ મેડલ

ધારાસભ્ય રીવાબા જાડેજા દ્વારા વિજેતાઓનું અભિવાદનઃ

જામનગર તા. ૧૬: તાજેતરમાં યોજાયેલ રાજ્ય કક્ષાનાં ખેલ મહાકુંભ ૩.૦ માં જામનગરની રાધે સ્કેટીંગ રીંગનાં ખેલાડીઓએ ઝળહળતું પ્રદર્શન કરી કુલ ૧૬ મેડલ પ્રાપ્ત કર્યા છે. જે અંતર્ગત અન્ડર ૧૪ કેટેગરીમાં કર્ણવ કનખરાએ ફ્રી સ્કેટીંગ તથા સોલો ડાન્સમાં ગોલ્ડ મેડલ તથા દર્શિત કનખરાએ ફિગર અને સોલો ડાન્સમાં સિલ્વર મેડલ અને જય ઠક્કરે ફિગર અને ફ્રિ સ્કેટીંગમાં બ્રોન્ઝ મેડલ મેળવ્યા હતાં. મંથન નંદાએ ફ્રી સ્કેટીંગમાં સિલ્વર તથા ભવ્યા પરમારે સોલો ડાન્સમાં બ્રોન્ઝ મેડલ મેળવ્યા હતાં. આ ઉપરાંત કવાર્ટેટ ઇવેન્ટ્સ અંતર્ગત પબ્જી ક્વાર્ટેટમાં વિરાજ ચૌહાણ, કર્ણવ કનખરા, ભવ્યા પરમાર તથા દર્શિત કનખરા સહિતનાં ખેલાડીઓએ ૪ ગોલ્ડ મેડલ પ્રાપ્ત કર્યા હતાં. હનુમાન ક્વાર્ટેટ અંતર્ગત કાવ્યન કચ્છવાહન, નક્ષ નંદા, મંથન નંદા તથા પ્રિયાંશ નંદા સહિતનાં ખેલાડીઓએ ૪ સિલ્વર મેડલ પ્રાપ્ત કર્યા હતા

રાધે સ્કેટીંગ રીંગનાં ખેલાડીઓએ સ્પર્ધામાં કુલ ૧૬ મેડલ મેળવતા ધારાસભ્ય રીવાબા જાડેજા દ્વારા તમામનું અભિવાદન કરી રાષ્ટ્રીય સ્તરની સ્પર્ધામાં સફળ થવા શુભેચ્છા પાઠવી હતી. કોચ તરીકે રાધે જોઈસર તથા જયોતિબેન જોઈસર રહ્યા હતાં.

જો આપને આ પોસ્ટ ગમી હોય તો શેર કરો...