જામનગરના શખ્સને સગીરા પર દુષ્કર્મના ગુન્હામાં દસ વર્ષ સખત કેદની કરાઈ સજા

Author: નોબત સમાચાર

જામનગરના શખ્સને સગીરા પર દુષ્કર્મના ગુન્હામાં દસ વર્ષ સખત કેદની કરાઈ સજા

ત્રણ વર્ષ પહેલાં પોલીસમાં થઈ હતી ફરિયાદઃ

જામનગર તા. ૧૬: જામનગરના એક શખ્સે ત્રણ વર્ષ પહેલાં એક સગીરાને ધમકી આપી દુષ્કર્મ ગુજાર્યું હતું. વારંવાર દુષ્કર્મનો ભોગ બનેલી જામનગર પંથકની સગીરાએ કરેલી ફરિયાદમાં અદાલતે આરોપીને પકડી પાડ્યો હતો. તે કેસ ચાલી જતાં અદાલતે આરોપીને દસ વર્ષની સખત કેદની સજા અને રૂપિયા ૧૦ હજારનો દંડ ફટકાર્યાે છે.

જામનગરના ફિરોઝ ગનીભાઈ ચમડીયા નામના શખ્સે વર્ષ ૨૦૨૨માં એક સગીરાને ધાક ધમકી આપી પોતાની સાથે લઈ જઈ તેણી પર દુષ્કર્મ આચર્યું હતું. ત્યારપછી સગીરાના ભાઈને જાનથી મારી નાખવાની ધમકી આપી વારંવાર દુષ્કર્મ ગુજાર્યું હતું. તે બનાવની પોલીસમાં ફરિયાદ નોંધાઈ હતી.

તે ફરિયાદના આધારે તપાસ કરવામાં આવી હતી. જેમાં આરોપી ફિરોઝ ઝડપાઈ જતાં પોલીસે આઈપીસી ૩૭૬, ૫૦૬ (ર) તથા પોક્સો એક્ટની કલમ ૪, ૬ હેઠળ તેની ધરપકડ કરી હતી.

તે કેસ જામનગરની ખાસ પોક્સો અદાલતમાં ચાલવા પર આવતા આરોપીને તક્સીરવાન ઠરાવી અદાલતે ૧૦ વર્ષની કેદ અને રૂ.૧૦ હજારનો દંડનો હુકમ કર્યાે છે. સગીરાને કમ્પેઈન્સેશનમાંથી રૂ.૨ લાખ ચૂકવવામાં આવશે. સરકાર તરફથી ડીજીપી જમનભાઈ ભંડેરી રોકાયા હતા.

જો આપને આ પોસ્ટ ગમી હોય તો શેર કરો...