Author: નોબત સમાચાર
છએક આસામીને રોકાણ સામે વળતરની લાલચ બતાવી રૂ.અઢી કરોડની છેતરપિંડી
તગડા વળતરના બદલે પેઢીને લાગી ગયા તાળાઃ
જામનગર તા. ૨૮: જામનગરના એક આસામી તથા અન્ય છએક આસામીઓને જામનગરના જ એક શખ્સે પોતાની પેઢીને મળી રહેલા કોન્ટ્રાક્ટમાં પ્રાપ્ત થતાં વળતરમાંથી વળતર સામે સારૂ એવું રીફંડ આપવાની વાતો કરી એકાદ વર્ષ પહેલાં રૂ.૨,૪૩,૫૦,૦૦૦ની રકમ મેળવી લીધા પછી તે રકમ પરત આપ્યા વગર જ પેઢીને તાળા મારી દેતા તમામ રોકાણકારો વતી એક આસામીએ પોલીસમાં ફરિયાદ નોંધાવી છે. પોલીસે છેતરપિંડી તથા વિશ્વાસઘાત આચરવા અંગેનો ગુન્હો નોંધી તપાસ શરૂ કરી છે.
જામનગરના ગુલાબનગર વિસ્તારમાં આવેલા આદિત્ય પાર્કમાં વસવાટ કરતા અને કોન્ટ્રાક્ટ રાખવાનો વ્યવસાય કરતા અશ્વિનભાઈ વસરામભાઈ વારા નામના આસામીએ હવાઈચોક નજીક આવેલા નાગર ચકલામાં સરાના કૂવા પાસે રહેતા મનસીલ હર્ષદભાઈ કોયા નામના આસામી સામે સિટી એ ડિવિઝન પોલીસ સ્ટેશનમાં પોતાના તથા અન્ય વ્યક્તિઓના મળી કુલ રૂ.ર કરોડ ૪૩ લાખ ૫૦ હજાર મેળવી લીધા પછી પરત ન આપી છેતરપિંડી તથા વિશ્વાસઘાત આચર્યાની ફરિયાદ નોંધાવી છે.
ફરિયાદમાં અશ્વિનભાઈએ જણાવ્યા મુજબ તેમની સાથે અને અન્ય છએક વ્યક્તિઓ સાથે એકાદ વર્ષ પહેલા મનસીલ કોયા સંપર્કમાં આવ્યા હતા. આ આસામીએ પોતાની પેઢીને સરકારી કોન્ટ્રાક્ટ મળ્યા છે અને તેમાં ૩૦ ટકા જેવું વળતર પ્રાપ્ત થઈ રહ્યું છે તેથી તેમની પેઢીમાં રોકાણ કરવામાં આવે તો ૧૪ ટકા જેટલું વળતર રોકાણકારોને આપવામાં આવશે તેમ જણાવ્યા પછી કટકે કટકે રૂ.ર કરોડથી વધુની રકમ વિવિધ બેંકના ખાતાઓમાં જમા કરાવી લીધી હતી.
ત્યારપછી મનસીલ કોયાએ રોકાણકારોને તેમની રકમ આપવાના બદલે પેઢીને તાળા મારી દેતા ઉહાપોહ મચ્યો હતો અને ત્યારપછી ગઈકાલે અશ્વિનભાઈએ તમામ રોકાણકારો વતી પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
