Author: નોબત સમાચાર
નાગેશ્વર મંદિરના ટ્રસ્ટીને આધાર પુરાવા રજૂ કરવા પ્રાંત અધિકારી કચેરી દ્વારા અપાઈ નોટીસ
મંદિર, રેસ્ટોરન્ટ, ટોયલેટ, દુકાનો અંગે વિવાદ વચ્ચે
ઓખા તા. ૨૮: દ્વારકા નજીકના નાગેશ્વર મંદિરમાં અંદરના ભાગે શરૂ કરાયેલી દુકાનો માટે પરવાનગી લેવામાં આવી હોય તો તેના આધાર પુરાવા રજૂ કરવા પ્રાંત અધિકારીએ નોટીસ પાઠવી એક સપ્તાહની મુદ્દત આપી છે. તે ઉપરાંત મંદિર, બાજુમાં આવેલા રેસ્ટોરન્ટ, ટોયલેટ તથા શનિદેવના મંદિર અંગે પણ આધાર પુરાવા માંગવામાં આવ્યા છે.
દ્વારકા નજીક આવેલા નાગેશ્વર જયોર્તિર્લિંગ મંદિરની બહારના ભાગે કોમર્શિયલ દુકાનો ચલાવવા ઉપરાંત મંદિરના અંદરના ભાગમાં પણ દુકાનો શરૂ કરવામાં આવી હોવાનું પ્રાંત અધિકારીની કચેરીને લેખિતમાં જણાવાયું હતું. મંદિરના ગર્ભગૃહમાં યાત્રિકો દર્શનાર્થે આવતા હોવાથી ક્યારેક નાસભાગ થવાની શક્યતા વચ્ચે આ દુકાનો માટે પરમીશન લેવામાં આવી છે કે કેમ? તેવો ખુલાસો પ્રાંત અધિકારી કચેરી દ્વારા પૂછવામાં આવ્યો છે.
તે ઉપરાંત નાગેશ્વર મંદિર જ્યાં આવેલુ છે તે જગ્યાની માલિકીના આધાર પુરાવા પણ માંગવામાં આવ્યા છે. ઉપરાંત બાજુમાં વસવાટ માટે બનાવવામાં આવેલા ભવનની જગ્યાના પુરાવા પણ આપવા માટે સૂચના અપાઈ છે.
નાગેશ્વર ગામમાં શનિદેવ મંદિર બનાવાયું છે તે મંદિર માટે લેવામાં આવેલી પરવાનગી, નાગેશ્વર મંદિર પાસે બનાવાયેલા ટોયલેટ તેમજ રેસ્ટોરન્ટના પણ આધાર પુરાવા આગામી બુધવારે રજૂ કરવા સૂચના આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
