Author: નોબત સમાચાર
પોતાની જમીનમાં કરાતા વાવેતરના કારણે ચિંતામાં ગરકાવ વૃદ્ધને હૃદયરોગનો હુમલો
ખંભાળિયામાં અન્ય એક વૃદ્ધને પણ હૃદયરોગ ભરખી ગયોઃ
જામનગર તા. ૨૮: જામનગરના સિક્કા ગામ પાસે મુંગણીમાં રહેતા એક વૃદ્ધની જમીનમાં અન્ય વ્યક્તિ વાવેતર કરે છે. તે કારણે સતત ચિંતા અનુભવતા રહેતા આ વૃદ્ધનું હૃદયરોગનો હુમલો આવી જતાં મૃત્યુ નિપજ્યું છે. જ્યારે ખંભાળિયામાં એક વૃદ્ધને પણ હૃદયરોગનો હુમલો ભરખી ગયો છે.
જામનગર તાલુકાના સિકકા ગામ નજીક આવેલા મુંગણીમાં રહેતા દેવુભા રૂપસંગ જાડેજા (ઉ.૬૩) નામના વૃદ્ધની ટીમળી ગામમાં પાંચ વીઘા ખેતીની જમીન આવેલી છે. તેમાં હાલમાં જયદેવસિંહ જાડેજા નામના આસામી વાવેતર કરે છે.
આ બાબતથી સતત ટેન્શન અનુભવતા દેવુભા રૂપસંગને ગઈકાલે સવારે હૃદયરોગનો હુમલો આવી જતા તેઓનું મૃત્યુ નિપજ્યું છે. બનાવની સિક્કા પોલીસને જાણ કરવામાં આવી છે. પોલીસે મૃતકના પુત્ર ભીખુભા દેવુભા જાડેજાનું નિવેદન નોંધ્યું છે.
ખંભાળિયા શહેરના નાગરપાડામાં રહેતા બાબુલાલ દેશળભાઈ ફફલ (ઉ.વ.૬૮) નામના વૃદ્ધને બુધવારની રાત્રે છાતીમાં દુખાવો ઉપડતા સારવાર માટે ખસેડવાની તજવીજ કરવામાં આવી હતી. આ વૃદ્ધનું હૃદયરોગના હુમલાથી મૃત્યુ નિપજ્યાનું જાહેર થયું છે. પોલીસે તેમના પુત્ર હાર્દિકભાઈ ફફલનું નિવેદન નોંધ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
