Author: નોબત સમાચાર
દ્વારકા વિધાનસભા મત વિસ્તારમાં મતદાર યાદી સઘન સુધારણાના વિશેષ કેમ્પો યોજાશે
તા. ર૯ અને ૩૦ નવેમ્બરે
ખંભાળિયા તા. ર૮: ચૂંટણી પંચ દ્વારા તા. ૧-૧-ર૦ર૬ ની લાયકાતની તારીખના સંદર્ભમાં મતદારયાદી ખાસ સઘન સુધારણા કાર્યક્રમ-ર૦ર૬ જાહેર કરવામાં આવ્યો છે. જિલ્લા ચૂંટણી અધિકારી અને કલેક્ટરના માર્ગદર્શન અનુસાર સમગ્ર દેવભૂમિ દ્વારકા જિલ્લામાં મતદાર યાદી સઘન સુધારણા કાર્યક્રમની કામગીરી પ્રગતિમાં છે. આ કાર્યક્રમ અંતર્ગત હાલમાં ગણતરીનો તબક્કો ચાલી રહ્યો છે, જે અન્વયે બાકી રહેલા મતદારોના ગણતરી ફોર્મ ઝડપથી પરત મેળવી શકાય તે માટે વિશેષ કેમ્પનું આયોજન કરવામાં આવ્યું છે.
દેવભૂમિ દ્વારકા જિલ્લામાં સમાવિષ્ટ ૮૧-ખંભાળિયા તથા ૮ર-દ્વારકા વિધાનસભા મતવિસ્તારમાં તથા તાલુકાઓમાં મતદારયાદી ખાસ સઘન સુધારણા અંતર્ગત તા. ર૯ અને ૩૦ નવેમ્બરના ખાસ કેમ્પોનું આયોજન કરવામાં આવશે, જેમાં મતદારો પોતાના ગણતરી પત્રક જમા કરાવી શકશે તથા જે મતદારનું નામ અથવા તેમના માતા-પિતા, દાદા-દાદીનું નામ ર૦૦ર ની મતદાર યાદીમાં ન હોય તેવા કિસ્સામાં મતદારો સ્થળ પર પોતાના તથા પોતાના પરિવારના સભ્યોના પુરાવા રજૂ કરી શકશે. તા. ર૯-૧૧-ર૦રપ ના બપોરે ૧ર કલાકથી ૧૭ કલાક સુધી અને તા. ૩૦-૧૧-ર૦રપ ના સવારે ૧૦ કલાકથી ૧૭ કલાક સુધી કેમ્પનું આયોજન કરવામાં આવ્યું છે.
જેમાં ૮ર-દ્વારકા વિધાનસભા મતવિસ્તારમાં દ્વારકા નગરપાલિકા કચેરી, વાંચ્છુ ગ્રામ પંચાયત, ગઢેચી ગ્રામ પંચાયત, સૂરજકરાડી નગરપાલિકા કચેરી (પેટા), શ્રી રૂપેણબંદર પ્રા. શાળા, કલ્યાણપુર મામલતદાર કચેરી, કલ્યાણપુર તાલુકા પંચાયત કચેરી, રાવલ નગરપાલિકા કચેરી તથા ભાટિયા ગ્રામ પંચાયતમાં કેમ્પનું આયોજન કરવામાં આવશે. મતદારો કેમ્પનો લાભ લઈ લોકશાહીને સશક્ત કરવા સહયોગ આપવા જિલ્લા વહીવટી તંત્ર દ્વારા અનુરોધ કરવામાં આવે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
