Author: નોબત સમાચાર
સત્યનારાયણ મંદિરે શ્રી વિષ્ણુ સહસ્ત્રનામ પૂજા-સહસ્ત્ર યજમાન સેવા ઉત્સવ સંપન્ન
સુનો પ્રભુ ફૂલો ભરી પુકાર, સ્વીકાર કિજીએ કમલ હઝારઃ
જામનગર તા. ૨૮: જામનગરના સત્યનારાયણ મંદિર રોડ પર આવેલ શ્રી સત્યનારાયણ ભગવાનના પ્રાચીન મંદિરે દેવઉઠી એકાદશી અર્થાત દેવદિવાળી પર શ્રી વિષ્ણુ સહસ્ત્રનામ પૂજા-સહસ્ત્ર યજમાન સેવા ઉત્સવનું આયોજન કરવામાં આવ્યું હતું.
મુખ્યાજી અને બ્રાહ્મણો દ્વારા સહસ્ત્ર યજમાનોના કલ્યાણના સંકલ્પ સાથે બપોરે શાલીગ્રામ પૂજન સાથે ભગવાન શ્રી સત્યનારાયણનું વિષ્ણુ સહસ્ત્રનામ સાથે પૂજન કરવામાં આવ્યું હતું. શાલીગ્રામ પર તુલસીપત્ર તથા ભગવાન શ્રી સત્યનારાયણને ૧ હજાર કમળના ફૂલ અર્પણ કરવામાં આવ્યા હતા.
બહોળી સંખ્યામાં ભક્તોએ ઉત્સવના દર્શનનો લાભ લીધો હતો તથા મંદિરની યુટ્યુબ ચેનલ પર પણ બહારગામના હજારો ભક્તોએ ઉત્સ્વનું લાઈવ પ્રસારણ નિહાળ્યું હતું. સાંજે યજમાનોને શીરાના પ્રસાદ તથા પૂજાના ફળના ફળનું વિતરણ કરવામાં આવ્યું હતું. બીજા દિવસે બારસના એકાદશી વ્રતના પારણાં નિમિત્તે સત્યનારાયણ મંદિર રોડ પર આવેલ વૈજનાથ મહાદેવ મંદિરે ૧૫૧ બ્રાહ્મણનું બ્રહ્મભોજન યોજવામાં આવ્યું હતું. બ્રાહ્મણોનું પૂજન કરી દક્ષિણા અર્પણ કરવામાં આવી હતી. બ્રહ્મભોજનની પૂર્ણતા સાથે જ ઉત્સવ સંપન્ન થયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
