Author: નોબત સમાચાર
બંગાળની ખાડીમાં 'દિતવાહ' શકિતશાળી ચક્રવાત સર્જાતા પાંચ રાજ્યોમાં વરસાદનું રેડએલર્ટઃ માછીમારોને ચેતવણી
સેન્યાર વાવાઝોડું નબળું પડયુ, પરંતુ
નવી દિલ્હી તા. ૨૮: બંગાળની ખાડીમાં વધુ એક શકિતશાળી ચક્રવાત 'દિતવાહ'સક્રિય થતા ૫ રાજ્યોમાં ભારેથી અતિભારે વરસાદનું રેડ એલર્ટ અપાયુ છે. જો કે, સેન્યાર નબળું પડી ગયું છે.
ભારત માટે ચિંતા વધારતા સમાચાર સામે આવ્યા છે. એક તરફ ચક્રવાતી વાવાઝોડું સેન્યા૨ સતત નબળું પડી રહૃાું છે, ત્યારે ભારતીય હવામાન વિભાગે જણાવ્યું છે કે બંગાળની ખાડીમાં વધુ એક શક્તિશાળી ચક્રવાત 'દિતવાહ' સક્રિય થઈ ગયું છે. આ નવા ચક્રવાતી સિસ્ટમને પગલે પાંચ રાજ્યોમાં ભારે વરસાદનું એલર્ટ જારી કરવામાં આવ્યું છે. હવામાન વિભાગના જણાવ્યા અનુસાર, ગુરુવારે બંગાળની ખાડીમાં સર્જાયેલું ઊંડું દબાણ હવે ચક્રવાત 'દિતવાહ'માં પરિવર્તિત થઈ ગયું છે. આ વાવાઝોડાની સૌથી વધુ અસર દક્ષિણ ભારતના તટીય વિસ્તારોમાં જોવા મળશે.
વાવાઝોડાનું રૂખ ઉત્તર તમિલનાડુ, પુડુચેરી અને દક્ષિણ આંધ્ર પ્રદેશ, તેલંગાણા અને કેરળના તટો તરફ છે. આ વિસ્તારોમાં ૩૦ નવેમ્બર સુધી હવામાન ખૂબ જ ખરાબ રહેવાની સંભાવના છે. ઓડિશા અને પશ્ચિમ બંગાળમાં પણ ભારે વરસાદનું એલર્ટ જારી કરાયું છે.
ચક્રવાત દિતવાહના કારણે તમિલનાડુ, પુડુચેરી અને કરાઈકલમાં ભારેથી અતિભારે વરસાદની સંભાવના છે. આજે દક્ષિણ તમિલનાડુમાં કેટલીક જગ્યાએ હળવાથી મધ્યમ વરસાદ નોંધાયો હતો.
દક્ષિણ તમિલનાડુમાં વધુ વરસાદ અને રાજ્યના ઉત્તરીય ભાગો, પુડુચેરી અને કરાઈકલમાં હળવાથી મધ્યમ વરસાદની સંભાવના જણાવાઈ છે. તો આવતીકાલે આખા તમિલનાડુમાં વરસાદ પડવાની સંભાવના છે. શનિવારે તંજાવુર, અરિયાલુર, પેરમ્બલુર, કલ્લાકુરિચી, તિરુવન્નામલાઈ, વેલ્લોર, રાનીપેટ, કાંચીપુરમ, તિરુવલ્લુર અને ચેન્નઈમાં પણ ભારેથી અતિભારે વરસાદ પડી શકે છે. તે પછી ૩૦ નવેમ્બરે ઉત્તરીય તમિલનાડુ, પુડુચેરી અને કરાઈકલમાં હળવાથી મધ્યમ વરસાદની સંભાવના છે. આ ખતરાને જોતાં હવામાન વિભાગે માછીમારોને દક્ષિણ-પશ્ચિમ બંગાળની ખાડી, મન્નારની ખાડી, કોમોરિન વિસ્તાર અને તમિલનાડુ-પુડુચેરીના તટ પર ૧ ડિસેમ્બર સુધી દરિયો ન ખેડવા માટે કડક સલાહ આપી છે. જે લોકો પહેલેથી જ સમુદ્રમાં ગયા છે, તેમને તાત્કાલિક નજીકના કિનારે પાછા ફરવા અપીલ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
