Author: નોબત સમાચાર
જામનગર-ખંભાળિયા રોડ પર મીઠોઈ પાસે બાઈકને ઠોકરે ચઢાવી અજાણ્યંુ વાહન નાઠુ
હેમરેજ થઈ જતાં ચાલકને હોસ્પિટલ ખસેડાયાઃ
જામનગર તા. ૨૮: ખંભાળિયાથી જામનગર વચ્ચેના ધોરીમાર્ગ પર આવેલા ઝાખર પાટીયા પાસેના મીઠોઈ ગામ પાસે ગઈકાલે સાંજે એક યુવાનના ભાઈને અજાણ્યું વાહન ટક્કર મારીને નાસી ગયું છે. રોડ પર પછડાયેલા બાઈકચાલકને હેમરેજ સહિતની ઈજા થઈ છે. પોલીસે અજાણ્યા વાહનની શોધ આરંભી છે.
લાલપુર તાલુકાના ઝાખર ગામમાં રહેતા વિક્રમસિંહ માધવસંગ જાડેજા નામના યુવાન ગઈકાલે સાંજે પોતાના જીજે-૧૦-બીએ ૪૨૧૦ નંબરના મોટરસાયકલ પર ખંભાળિયાથી જામનગર તરફના ધોરીમાર્ગ પર આવી રહ્યા હતા.
તેઓ જ્યારે મીઠોઈ ગામના પાટીયા પાસે પહોંચ્યા ત્યારે કોઈ અજાણ્યું વાહન પુરપાટ ઝડપે ધસી આવ્યું હતું. તે વાહનના ચાલકે વિક્રમસિંહના બાઈકને ઠોકર મારી દેતા રોડ પર પછડાયેલા વિક્રમસિંહને હેમરેજ સહિતની ઈજાઓ થઈ છે. આ યુવાનને સારવાર માટે હોસ્પિટલમાં ખસેડવામાં આવ્યા છે. તેમના ભાઈ ભીખુભા માધવસંગ જાડેજાએ મેઘપર પોલીસ સ્ટેશનમાં અજાણ્યા વાહનના ચાલક સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
