Author: નોબત સમાચાર
સિદ્ધાર્થનગરમાં મકાનમાં પોલીસના દરોડામાં દારૂની ઝડપાઈ ચોવીસ બોટલઃ આરોપી ફરાર
એક શખ્સના મકાનમાંથી મળી આવી ઈંગ્લીશની છ બોટલઃ
જામનગર તા. ૨૮: જામનગરની શંકરટેકરી સ્થિત સિદ્ધાર્થનગરમાં એક મકાનમાં પોલીસે દરોડો પાડી ઈંગ્લીશ દારૂની ર૪ બોટલ કબજે કરી છે. આરોપી નાસી ગયો છે. જ્યારે વણકર સમાજની વાડી પાછળ શખ્સના મકાનમાંથી ઈંગ્લીશ દારૂની છ બોટલ પકડી પાડવામાં આવી છે.
જામનગરની શંકરટેકરીમાં આવેલા સિદ્ધાર્થનગરની શેરી નં.પમાં એક મકાનમાં ઈંગ્લીશ દારૂનો જથ્થો પડ્યો હોવાની બાતમી પરથી સિટી સી ડિવિઝનના સર્વેલન્સ સ્ટાફે ગઈકાલે રાત્રે ત્યાં આવેલા સાહિલ ઉર્ફે ગોપાલ કૈલાસભાઈ ગોહિલ નામના શખ્સના મકાનમાં દરોડો પાડી તલાશી લેતા ત્યાંથી ભારતીય બનાવટના અંગ્રેજી શરાબની ર૪ બોટલ મળી આવી હતી. રૂ.૧૬૮૦૦ની બોટલ ઝબ્બે લેવામાં આવી છે. દરોડા પહેલા નાસી ગયેલા સાહિલની શોધ કરાઈ રહી છે.
શંકરટેકરીમાં આવેલી વણકર સમાજની વાડી પાછળ શેરી નં.૩માં દિવ્યેશ ઉર્ફે દીવડા મનસુખભાઈ ચૌહાણ નામના શખ્સના મકાનમાં પણ પોલીસે પાડેલા દરોડામાં ઈંગ્લીશ દારૂની છ બોટલ મળી આવી છે. બોટલ સાથે દિવ્યેશની ધરપકડ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
