Author: નોબત સમાચાર
કરોડોના કેટલાક શંકાસ્પદ વ્યવહારોની તપાસ દરમિયાન નગરના સીએની અટક
સીબીઆઈએ પૂછપરછ શરૂ કર્યાના બિનઆધારભૂત અહેવાલઃ
જામનગર તા. ૨૮: કેન્દ્રની સર્વોચ્ચ તપાસ ટીમ-સીબીઆઈ દ્વારા કરોડોના કેટલાક શંકાસ્પદ વ્યવહારો અંગે અત્યંત ગુપ્ત રીતે શરૂ કરાયેલી તપાસમાં જામનગરના એક જાણીતા બિલ્ડરના ભત્રીજા સહિતના વ્યક્તિઓના નામ મળતા તે વ્યક્તિઓની પૂછપરછ કરાઈ હતી. જેમાં જામનગરના એક સીએનું નામ ઉપસી આવતા આ વ્યક્તિને રાજસ્થાનના જયપુરમાંથી ઉપાડી લેવાયાનું અને હાલમાં રિમાન્ડ પર લેવાયા હોવાનું બિનઆધારભૂત સૂત્રોમાંથી જાણવા મળી રહ્યું છે.
જામનગરમાં ચાર્ટર્ડ એકાઉન્ટન્ટ તરીકે અગાઉ પ્રેક્ટિસ કરતા એક આસામીની સીબીઆઈ દ્વારા ધરપકડ કરી લેવામાં આવી છ ે. રાજસ્થાનના જયપુરમાંથી આ આસામીને અટકાયતમાં લેવાયા પછી હાલમાં રિમાન્ડ મેળવવામાં આવી હોવાનું પણ બિનઆધારભૂત સૂત્રોએ જણાવ્યું છે.
શહેરના એક વિસ્તારમાં ચાર્ટર્ડ એકાઉન્ટન્ટ તરીકે કામ કરતા અને ત્યાં ઈમારત ઉભી કરનાર આ સીએ હાલમાં પોતાનું ચાર્ટર્ડ એકાઉન્ટન્ટ તરીકેનું લાયસન્સ સરન્ડર કરી ચુક્યા હોવાનું અને તેઓ હાલમાં રાજસ્થાનના જયપુરમાં એક એપેલન્ટ કોર્ટમાં જ્યુરી મેમ્બર તરીકે સેવા આપતા હોવાનું પણ જાણવા મળ્યું છે.
ગયા અઠવાડિયે સીબીઆઈએ એક પ્રકરણના દબાવેલા સગડમાં કરોડો રૂપિયાના કેટલાક વ્યવહારો ધ્યાનમાં આવ્યા હતા. જેના પગલે જયપુરમાંથી જામનગરના એક જાણીતા બિલ્ડરના ભત્રીજા તરફ તપાસની દિશા સીબીઆઈ ટીમે ફેરવી હતી જેમાં આ સીએ કમ જ્યુરી મેમ્બરનું પણ નામ ઉપસી આવતા હાલમાં તેમની ધરપકડ કરાયાનું અને સીબીઆઈની ટીમ દ્વારા તેઓની રિમાન્ડ દરમિયાન ઘનિષ્ઠ પૂછપરછ કરાઈ રહી હોવાનું બિનઆધારભૂત સૂત્રોએ જણાવ્યું છે. જો કે, આ બાબતનું કન્ફર્મેશન હજુ સુધી મળ્યું નથી પરંતુ એકાદ-બે દિવસમાં જ તે બાબત પ્રકાશમાં આવશે તેમ જાણવા મળ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
