Author: નોબત સમાચાર
જામનગરના અંબારામ સંઘાણીએ સશસ્ત્ર સેના ધ્વજદિન ભંડોળમાં આપ્યું રૂ. ૧.૫૧ લાખનું દાન
આને કહેવાય દેશભક્તિ !
જામનગર તા. ૨૮: દેેશના બહાદુર જવાનો પ્રત્યેની કૃતજ્ઞતા વ્યક્ત કરવાના ઉમદા હેતુ સાથે જામનગરના નાગરિક અંબારામ સંઘાણીએ સશસ્ત્ર સેના ધ્વજદિન ભંડોળ માટે રૂ. ૧.૫૧ લાખનું માતબર અને ઉદાર હાથે ફાળો આપીને સમાજને નવી રાહ ચીંધી છે.
સંઘાણી દ્વારા આપવામાં આવેલો આ ફાળો આપણાં બહાદુર જવાનો, પૂર્વ સૈનિકો તેમજ રાષ્ટ્ર માટે સર્વોચ્ચ બલિદાન આપનારા શહીદ જવાનોના પરિવારજનોના કલ્યાણ અને પુનર્વસન માટે અત્યંત મહત્ત્વપૂર્ણ સાબિત થશે.
આ પ્રસંગે અંબારામ સંઘાણીએ પોતાનો રાષ્ટ્રપ્રેમ વ્યક્ત કરતા જણાવ્યું હતું કે સરહદ પાર રાત-દિવસ જાગતા જવાનો અને દેશ માટે શહીદ થનારા પરિવારો માટે આપણું નાનું યોગદાન પણ અત્યંત મૂલ્યવાન છે. તેમણે જામનગર સહિત સમગ્ર સમાજના તમામ નાગરિકોને હૃદયપૂર્વક અપીલ કરી હતી કે આ પવિત્ર કાર્યમાં સહભાગી બનીને પોતાની ક્ષમતા પ્રમાણે ફાળો આપે જેથી વધુમાં વધુ જવાનોના પરિવારોને મદદ મળી શકે.
જિલ્લા સૈનિક કલ્યાણ અને પુનર્વસવાટ કચેરી, જામનગરના કમાન્ડર સંદીપ જયસ્વાલે અંબારામ સંઘાણીના આ યોગદાન બદલ તેમનો હૃદયપૂર્વક આભાર વ્યક્ત કર્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
