Author: નોબત સમાચાર
દુષ્કર્મના ગુન્હામાં ૨૦ વર્ષની સજા પામેલા આરોપીએ પેરોલ પર મુક્ત થઈ ભણ્યા પોબારા
સાડા ત્રણ વર્ષથી ફરાર આરોપીને દબોચી લેવાયોઃ
જામનગર તા. ૨૮: ધ્રોલમાં છ વર્ષ પહેલાં એક સગીરાના અપહરણ તથા દુષ્કર્મ ગુજારવા અંગેનો ગુન્હો નોંધાયા પછી પોલીસે તે ગુન્હામાં મૂળ મધ્યપ્રદેશના શખ્સને પકડી લઈ ચાર્જશીટ કર્યું હતું. આ શખ્સને કોર્ટે ૨૦ વર્ષની સજા ફટકારી હતી. રાજકોટ જેલમાંથી આ શખ્સ વર્ષ ૧૦ દિવસની પેરોલ પર મુક્ત થયા પછી સાડા ત્રણ વર્ષથી ફરાર થઈ ગયો હતો. તેને ગઢડામાંથી ધ્રોલ પોલીસે દબોચી લઈ ફરીથી જેલહવાલે કર્યાે છે.
ધ્રોલ પોલીસ મથકમાં વર્ષ ૨૦૧૯માં એક સગીરાના અપહરણ-દુષ્કર્મ અંગેનો ગુન્હો નોંધાયો હતો. જેમાં મૂળ મધ્યપ્રદેશના ધાર જિલ્લાના કુકશી તાલુકાના ધુડદલીયા ગામના દિનેશ જોગરૂભાઈ ભુરીયા ઉર્ફે દિનેશ નામના શખ્સની સંડોવણી ખૂલી હતી. પોલીસે ગુન્હો નોંધી આરોપીની ધરપકડ કરી હતી.
ઉપરોક્ત કેસ અદાલતમાં ચાલી જતાં આરોપી ઈનેશ ઉર્ફે દિનેશ ભુરીયાને તક્સીરવાન ઠરાવી ૨૦ વર્ષની જેલની સજા ફટકારવામાં આવી હતી. આ શખ્સને સજા કાપવા માટે રાજકોટની મધ્યસ્થ જેલમાં મોકલી આપવામાં આવ્યો હતો. જ્યાં સજા દરમિયાન ગયા વર્ષ ૨૦૨૨માં મે મહિનામાં દસ દિવસ માટે હાઈકોર્ટે આ શખ્સને પેરોલ પર મુક્ત કરવાનો હુકમ કર્યાે હતો. તેની મુદ્દત પૂર્ણ થયે તા.૧૫ મેના દીને આરોપી ઈનેશ ઉર્ફે દિનેશે જેલમાં હાજર થઈ જવાનું હતું પરંતુ આ શખ્સ નાસી ગયો હતો.
તેની ચાલી રહેલી શોધખોળમાં જોડાયેલી પોલીસે આરોપીની ઓળખના ડોક્યુમેન્ટ શોધવા ઉપરાંત મોબાઈલ ફોનના સગડ પણ દબાવ્યા હતા પરંતુ આરોપી મોબાઈલ વાપરતો ન હોવાથી વધુ વિગતો મળતી ન હતી તેમ છતાં તેના વતનમાં પૂછપરછ કરાતા આ શખ્સ ભૂતકાળમાં ખેતમજૂરી કરતો હોવાથી હાલમાં પણ ગુજરાત રાજ્યમાં કયાંક ખેતમજૂરી કરતો હોવાની શંકા ઉભી થઈ હતી અને તેના આધારે શરૂ કરાયેલી તપાસમાં ગઢડા ગામમાં આ શખ્સ એક ખેતરમાં મજૂરી કામે લાગ્યો હોવાની વિગતો મળી આવતા ધ્રોલ પોલીસની ટીમ પીઆઈ એચ.વી. રાઠોડની સૂચનાથી ધસી ગઈ હતી જ્યાંથી આ આરોપી મળી આવ્યો છે. તેને જેલહવાલે કરવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
