Author: નોબત સમાચાર
જામનગરમાં 'જસ્ટ મોજ' દ્વારા યોજાશે પબ્લિક સ્પિકિંગની મેરેથોન વર્કશોપ
સતત એક મહિના સુધી તાલીમ અ૫ાશે
જામનગર તા. ૨૮: પબ્લિક સ્પિકિંગની મેરેથોન વર્કશોપ એટલે માઈક મેરેથોન ૧૨ સેશન્સમાં અને એક મહિના સુધી સતત આ વર્કશોપ ચાલશે. જેમાં ભાગ લેનાર સૌને સ્ટેજ, સ્ક્રીન તેમજ સ્ટુડીયોમાં માઈક પર કેવી રીતે બોલવું એ વિષય પર ટ્રેનીંગ અપાશે. માઈકના પ્રકારો, અવાજની કેળવણી, માઈક પર બોલતા પહેલાની તૈયારીઓ, સ્ક્રીપ્ટ કેવી રીતે તૈયાર કરવી વગેરે ઘણાં વિષયો આવરી લેવામાં આવશે. દરેક વ્યક્તિની ખૂબી-ખામીઓ જાણી વ્યક્તિગત ધ્યાન આપી શકાય એ માટે મર્યાદિત સંખ્યા રાખવામાં આવી છે. ટીમવર્ક, ટાસ્ક બેઈઝ્ડ, ટ્રેનીંગ, ગેમ્સ જેવી મનોરંજક પદ્ધતિથી આ વર્કશોપ ડિઝાઈન કરવામાં આવ્યો છે.
ગત વર્ષે સફળતાપૂર્વક માઈક મેરેથોનનું આયોજન થયું હતું એના પડઘારૂપે આ વખતની જાહેરાત થતાની સાથે જ લગભગ નેવું ટકા રજીસ્ટ્રેશન થઈ ચૂકયું છે એમ જસ્ટ મોજના ફાઉન્ડર ડો. મિલન ગણાત્રા જણાવે છે. તો બીજા ફાઉન્ડર કલ્પેશ ખગ્રામની લોકજીભે ચડવા લાગેલી ટેગલાઈનને માઈક મેરેથોન સાથે જોડીને કહે છે લર્નિંગ બોલે તો... જસ્ટમોજ.. આ વર્કશોપના મેન્ટર તરીકે ડો. કેતન કારીયા રહેશે. પાંચ પુસ્તકોના લેખક, રીડર્સ કલબ જામનગર તેમજ સર્જન તેમજ જસ્ટમોજના ફાઉન્ડર હોવા ઉપરાંત સતત સાત વર્ષ સુધી ડો. કેતન કારીયા 'નોબત'ના કોલમીસ્ટ રહી ચૂક્યા છે. આ વર્કશોપમાં રજીસ્ટ્રેશન જસ્ટમોજના ઓફિશિયલ નં.૯૦૮ ૧૨૩ ૫૪૦૦ દ્વારા થઈ શકશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
