Author: નોબત સમાચાર
કાલાવડ-રાજકોટ માર્ગ પર મોટરમાંથી ઈંગ્લીશ દારૂની ચોવીસ બોટલ ઝડપાઈ
લોધીકા તાલુકાના બે શખ્સની કરાઈ ધરપકડઃ
જામનગર તા. ૨૮: કાલાવડ-રાજકોટ ધોરીમાર્ગ પર નિકાવા નજીકથી ગઈકાલે પોલીસે પેટ્રોલિંગ દરમિયાન હોન્ડા સિટી મોટરમાં લઈ જવાતી ઈંગ્લીશ દારૂની ર૪ બોટલ પકડી પાડી છે. રાજકોટના લોધીકા તાલુકાના બે શખ્સની ધરપકડ કરવામાં આવી છે. મોટરસાયકલ સહિતનો મુદ્દામાલ કબજે કરી લેવાયો છે.
કાલાવડથી રાજકોટ વચ્ચેના ધોરીમાર્ગ પર ગઈકાલે સવારે કાલાવડ ગ્રામ્ય પોલીસ મથકના સ્ટાફ દ્વારા કરવામાં આવી રહેલા પેટ્રોલિંગમાં નિકાવા નજીકના સુરસાંગડા મંદિર પાસેથી જીજે-૧-આરઈ ૯૧૨૩ નંબરની હોન્ડા સિટી મોટર પસાર થઈ તેને શકના આધારે રોકાવી તલાશી લેવામાં આવી હતી.
આ મોટરમાંથી ભારતીય બનાવટના અંગ્રેજી શરાબની ર૪ બોટલ મળી આવી હતી. આ જથ્થા સાથે રાજકોટના લોધીકા તાલુકાના વડવાજડી ગામના રહેવાસી અને મૂળ ચિત્રાવડ ગામના ગૌતમ સુરેશભાઈ જાદવ તથા મૂળ બોટાદ જિલ્લાના નાના ભડલા ગામના વતની અને હાલમ વડવાજડી ગામમાં રહેતા મહેન્દ્ર હેમુભાઈ દેગામા નામના બે શખ્સની ધરપકડ કરવામાં આવી છે. પોલીસે રૂ.અઢી લાખની મોટર કબજે કરી લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
