નેશનલ હાઈ-વે સહિતના વિવિધ પ્રોજેકટો માટે ગુજરાતને કેન્દ્ર ફાળવશે રૂ. ૨૦ હજાર કરોડ

Author: નોબત સમાચાર

નેશનલ હાઈ-વે સહિતના વિવિધ પ્રોજેકટો માટે ગુજરાતને કેન્દ્ર ફાળવશે રૂ. ૨૦ હજાર કરોડ

સમીક્ષા બેઠકમાં ઈજારેદારો અને અધિકારીઓને માર્ગોની ઉચ્ચ ગુણવત્તા જાળવવા તાકીદ કરાઈ

ગાંધીનગર તા. ૨૮: નેશનલ હાઈ-વે સહિતના ગુજરાતના પ્રોજેકટો માટે કેન્દ્રીયમંત્રી નીતિન ગડકરીને કેન્દ્ર સરકાર રૂ. ૨૦ કરોડ ફાળવશે. તેવી ખાતરી આપી હતી. એક સમીક્ષા બેઠકમાં કેન્દ્રીય મંત્રી અને મુખ્યમંત્રીએ માર્ગોની ઉચ્ચ ગુણવત્તા જાળવવા ઈજારેદારો અને કોન્ટ્રાકટરોને તાકીદ કરી હતી.

કેન્દ્રિય માર્ગ પરિવહન મંત્રી નીતિન ગડકરી અને ગુજરાતના મુખ્યમંત્રી શ્રી ભૂપેન્દ્રભાઈ પટેલ દ્વારા નેશનલ હાઇવે ઓથોરિટીના અધિકારીઓ સાથે યોજાઈ રીવ્યુ બેઠક યોજાઈ હતી, જેમાં એનએચએઆઈના અધિકારીઓ અને ઇજારદારોને રસ્તાઓની ઉચ્ચ ગુણવત્તા સુનિશ્ચિત તાકીદ કરી હતી.

કેન્દ્રીય મંત્રીએ જણાવ્યુ હતું કે, ગુણવત્તા સુનિશ્ચિત કરો, અન્યથા કડક કાર્યવાહી માટે તૈયાર રહો. નાગરિકોની સુવિધા અને સુરક્ષાને સર્વોચ્ચ પ્રાથમિકતા આપવા તંત્રને સ્પષ્ટ આદેશ આપતા કહ્યુ હતું કે, નેશનલ હાઇવેના નિર્માણ અને રિસર્ફેસિંગમાં કોઈપણ પ્રકારની નિષ્કાળજી ચલાવી નહીં લેવાય.

નક્કી કરેલી સમયમર્યાદામાં રોડ નિર્માણના તમામ કાર્યો પૂર્ણ કરવા માટે કેન્દ્રીય મંત્રીનો અધિકારીઓ તથા ઇજારદારોને કડક નિર્દેશ આપ્યો હતો અને

સુગમ રોડ કનેક્ટિવિટી ને ટોચની પ્રાથમિકતા આપવા અને તે અંગે ગંભીરતા દાખવવા તમામ ઉચ્ચ અધિકારીઓ અને ઇજારદારોને સૂચના આપી હતી.

મુખ્યમંત્રી ભૂપેન્દ્ર પટેલે આ બેઠકની ચર્ચાઓ દરમિયાન કેન્દ્રિય મંત્રીને અનુરોધ કર્યો કે, નેશનલ હાઈવે પર રાજ્યમાં ૩૫ ટકાથી વધુનું ભારણ રહે છે એ સંદર્ભમાં આ હાઈવેઝની યોગ્ય મરામત થતી રહે અને જરૂર જણાયે વિસ્તૃતિકરણના કામો પણ એનએચએઆઈ કરતી રહે.

મુખ્યમંત્રીએ ખાસ કરીને અમદાવાદ-મુંબઈ, રાજકોટ -ગોંડલ- જેતપુર, અમદાવાદ-ઉદેપૂર આ ત્રણ માર્ગોના પ્રગતિ હેઠળના કામો ઝડપથી પૂર્ણ થાય તે જોવા પણ કેન્દ્રિય મંત્રીને રજૂઆત કરી હતી.

મુખ્યમંત્રી ભૂપેન્દ્ર પટેલે કેન્દ્રિય મંત્રી ગડકરીજીને કરેલી રજૂઆત અંગે ત્વરિત પ્રતિસાદ આપતા નીતિન ગડકરીજીએ ગુજરાતમાં એનએચએઆઈ હેઠળના હાઈવે સહિતના અન્ય પ્રોજેક્ટ માટે રૂ.૨૦ હજાર કરોડ કેન્દ્ર સરકાર તરફથી મંજૂર કરવાની ખાતરી આ બેઠકમાં આપી હતી.

જો આપને આ પોસ્ટ ગમી હોય તો શેર કરો...