Author: નોબત સમાચાર
સરમત ગામના ઝેરી દવા પી ગયેલા યુવાનનું સારવારમાં મૃત્યુઃ પરિવાર સ્તબ્ધ
પોલીસકર્મી સાળા, સસરા, સાસુના કહેવાતા ત્રાસથી
જામનગર તા.૧ ઃ જામનગરના સરમત ગામના એક યુવાને ગયા મંગળવારે સોશિયલ મીડિયા પર વીડિયો બનાવી ઝેરી દવા પી લીધી હતી. આ યુવાનનું સારવારમાં મૃત્યુ થયું છે. આ યુવાને પોતાના સસરા તથા સાળો અને સાસુ પજવતા હોવાની વાત વીડિયોમાં રજૂ કરી હતી. પોતાના સસરા પોલીસમાં અગાઉ ફરજ બજાવતા હોવાનું અને સાળો પોલીસમાં હોવાનું મૃતક યુવાને વીડિયોમાં ઉમેર્યું હતું.
જામનગર તાલુકાના સરમત ગામના વાડી વિસ્તારમાં રહેતા હરેશભાઈ બાબુભાઈ સરવૈયા નામના છત્રીસ વર્ષના રાવળદેવ યુવાને ગયા મંગળવારે સવારે પોતાના ખેતરે જઈ કોઈ ઝેરી દવા પી લીધી હતી. સારવાર માટે જામનગરની જી.જી. હોસ્પિટલમાં ખસેડવામાં આવેલા હરેશભાઈનું ગઈકાલે સાંજે મૃત્યુ થયું છે.
મૃતકના નાનાભાઈ હીરેન સરવૈયાએ પોલીસને જાણ કરી છે. આ યુવાને ગયા મંગળવારે વિષપાન કરતા પહેલા એક વીડિયો બનાવી સોશિયલ મીડિયામાં મૂક્યો હતો.
આ વીડિયોમાં તેણે જણાવ્યા મુજબ હીરેનભાઈના લગ્ન આઠેક વર્ષ પહેલા રાજકોટના પૂર્વ પોલીસકર્મી દેવરાજભાઈ નાટડાના પુત્રી નીતાબેન સાથે થયા પછી બે વર્ષથી નીતાબેન રીસામણે ચાલી ગયા હતા ત્યારપછી હરેશભાઈએ પૂર્વ પોલીસકર્મી સસરા અને વર્તમાન પોલીસ કર્મી મયુર દેવરાજભાઈ નાટડા તથા સાસુ ઈન્દુબેન અરજીઓ કરી પજવતા હતા. આ પ્રકારની વાત વીડિયોમાં કરી હરેશભાઈ એ દવા પી લીધી હતી. સિક્કા પોલીસે અપમૃત્યુની નોંધ કરી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
