Author: નોબત સમાચાર
નગરના આસામીને ફોન પર ધમકી
જામજોધપુરના યુવાન પર પાઈપથી હુમલોઃ
જામનગર તા.૧ ઃ જામનગરના એક આસામીને ફોન કરી એક શખ્સે ગાળો ભાંડવા ઉપરાંત બાકીદારને પૈસા ચૂકવી દેવાનું કહી છરીથી માર મારવાની ધમકી આપ્યાની પોલીસમાં ફરિયાદ કરાઈ છે. જ્યારે જામજોધપુરના યુવાનને અગાઉની માથાકૂટના મામલે એક શખ્સે પાઈપથી ફટકાર્યાની ફરિયાદ થઈ છે.
જામનગરના પટેલકોલોની વિસ્તારની શેરી નં.૧૧/૧માં રહેતા હિતેન્દ્રસિંહ રામસંગ પરમાર નામના કન્સ્ટ્રક્શનના વ્યવસાયીએ નવાગામ ઘેડમાં રહેતા ધર્મિન માડમ સામે સિટી-બી ડિવિઝન પોલીસ મથકમાં ફરિયાદ નોંધાવી છે.
આ શખ્સે ગુરૃવારની રાત્રે હિતેન્દ્રસિંહના ઘેર આવી તેમના પુત્રને જેમ તેમ પૂછ્યા પછી ગાળો ભાંડી હતી અને તે પછી હિતેન્દ્રસિંહને ફોન કરી વિજય ભારવડીયાને પૈસા આપી દેજે તેમ કહી છરી હુલાવી દેવની ધમકી આપી હતી. પોલીસે આઈપીસી ૫૦૭ હેઠળ ગુન્હો નોંધ્યો છે.
જામજોધપુર શહેરના ક્રિષ્ના પાર્ક સોસાયટીમાં રહેતા જીજ્ઞેશભાઈ રજનીકાંત ચોટાઈ નામના યુવાને જામજોધપુરમાં રાજાણી મીલ પ્લોટ પાસે રહેતા મેશુર જેસાભાઈ મસુરા સામે પોલીસમાં ફરિયાદ નોંધાવી છે.
ફરિયાદમાં જણાવવામાં આવ્યા મુજબ એકાદ વર્ષ પહેલા જીજ્ઞેશભાઈએ પોલીસમાં મેસુર મસુરા સામે ફરિયાદ નોંધાવી હતી. તેનો ખાર રાખી ગઈકાલે બપોરે મેસુરે પાઈપ, ઢીકાપાટુથી હુમલો કરી માર માર્યાે હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
