Advertisement
Author: નોબત સમાચાર

કલ્યાણપુરના કેનેડીની દુકાનમાંથી મળી આવી કેફી પીણાંની ૧૬૦૮ બોટલ

કફ શિરપ ભેળવી દુકાનદાર કરતો હતો વેપલોઃ

જામનગર તા.૧ ઃ કલ્યાણપુરના કેનેડી ગામ પાસે આવેલી ઠંડા-પીણા, પાનની એક દુકાનમાંથી દ્વારકા એસઓજીએ કફ શિરપની નશાકારક મનાતી ૧૬૦૮ બોટલ પકડી પાડી છે. આ જથ્થા સાથે ઝડપાયેલા દુકાનદારે સૂર્યાવદરના શખ્સનું નામ આપ્યું છે. પોલીસે બંને સામે એનડીપીએસ એક્ટ હેઠળ ગુન્હો નોંધ્યો છે.

દેવભૂમિ દ્વારકાના કલ્યાણપુર તાલુકાના કેનેડી ગામ પાસે આવેલી પાનની એક દુકાનમાં નશાયુક્ત પીણાનંુ વેચાણ થતું હોવાની બાતમી પરથી ગઈકાલે દેવભૂમિ દ્વારકા એસઓજીએ પીઆઈ પી.સી. સીંગરખીયાના વડપણ હેઠળ ચામુંડા પાન એન્ડ ટી સેન્ટર નામની દુકાનમાં દરોડો પાડી તલાશી લીધી હતી. તે દુકાનમાંથી નશાકારક કોડેઈનયુક્ત કફ શિરપની ૧૬૦૮ બોટલ મળી આવી હતી. દુકાનના સંચાલક કેનેડી ગામના રાજેશ ગોકળભાઈ ડાભીની અટકાયત કરવામાં આવી છે. એસઓજીએ કફ શિરપની ૨૦૮ બોટલ, મોબાઈલ મળી રૃા.૩૫૨૪૦નો મુદ્દામાલ કબજે કર્યાે છે.

દુકાનની પૂછપરછ કરાતા ઉપરોક્ત બોટલ સૂર્યાવદર ગામના ગોપાલ દેવશીભાઈ પરમાર પાસેથી લીધી હોવાનું ખૂલ્યું છે. દુકાનદાર રાજેશ નશાની ટેવવાળા ગ્રાહકોને સોડામાં આ બોટલનું પ્રવાહી ભેળવી રૃા.૧૪૦માં વેચતો હોવાનું બહાર આવ્યું છે. આ શખ્સ ઉપરાંત કલ્યાણપુરના સૂર્યાવદર ગામમાં મેડિકલ એજન્સી ચલાવતા ગોપાલ દેવશીભાઈ પરમારની પણ મોબાઈલ સાથે અટકાયત કરાઈ છે. બંને શખ્સ સામે એનડીપીએસ એક્ટ હેઠળ કાર્યવાહી કરાઈ છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh