Author: નોબત સમાચાર
દમણમાં દર્દનાક દુઃખદ દુર્ઘટનાઃ તળાવમાં નહાવા કૂદેલા ત્રણના મૃત્યુ
૬ નહાવા ગયા, ૪ ડૂબવા લાગ્યા, એક યુવકે ૧ કિશોરને બચાવ્યો
આંટિયાવાડ તા. ૧રઃ દમણમાં દુઃખદ ઘટનાથી અરેરાટી ફેલાઈ છે. તળાવમાં નહાવા કૂદેલા ત્રણ કિશોરોના મૃત્યુ થતા પરિજનો શોકમાં ગરકાવ થઈ ગયા છે, જ્યારે એક કિશોરને એક યુવકે બચાવી લીધો છે.
દમણના આંટિયાવાડ વિસ્તારમાં હિંગળાજ તળાવમાં ડૂબી જવાથી ત્રણ બાળકોના કરૂણ મોત નિપજ્યા છે. ગુરુવારે (૧૧ ડિસેમ્બર) સાંજે ૭ જેટલા કિશોરો તળાવમાં નહાવા પડ્યા હતાં, જેમાંથી ૪ બાળકો અચાનક ડૂબવા લાગ્યા હતાં, જેમાંથી ત્રણના ડૂબી જવાથી મોત નિપજ્યા છે.
મળતી માહિતી મુજબ દમણના આંટિયાવાડ વિસ્તારમાં ગુરુવારે (૧૧ ડિસેમ્બર) સાત બાળકો હિંગળાજ તાળવમાં નહાવા પડ્યા હતાં, જેમાંથી ૪ ડૂબવા લાગ્યા. નહાવા પડેલા ૭ કિશોરોમાંથી ૩ બાળકોએ બહાર આવીને મદદ માટે બૂમાબૂમ કરી મૂકી હતી. બાળકોને ડૂબતા જોઈ એક યુવકે તળાવમાં કૂદીને એક બાળકને સફળતાપૂર્વક બચાવી લીધો હતો.
ઘટનાની જાણ થતાં જ વિસ્તારમાં દોડધામ મચી ગઈ હતી. તાત્કાલિક સ્થાનિક પોલીસ અને ફાયરબ્રિગેડની ટીમો સ્થળ પર પહોંચી હતી અને રેસ્ક્યુ ઓપરેશન હાથ ધર્યું હતું. કડકડતી ઠંડીમાં પણ પોલીસ અને ફાયરબ્રિગેડની ટીમોએ મોડી રાત સુધી શોધખોળ ચાલુ રાખી હતી.
કલાકોની સઘન શોધખોળ પછી આખરે ત્રણેય બાળકોના મૃતદેહ તળાવમાંથી મળી આવ્યા હતાં. પોલીસે મૃતદેહોને પોસ્ટમોર્ટમ કરાવવા સહિતની આગળની કાયદાકીય કાર્યવાહી હાથ ધરી હતી. આ દુર્ઘટનાને પગલે દમણના રાજકીય અગ્રણીઓ પણ સ્થળ પર પહોંચ્યા હતાં. એક સાથે ત્રણ માસુમ બાળકોના ડૂબી જવાથી મોત થવાના કારણે મૃતકોના પરિજનો અને સ્થાનિકોમાં શોકનો માહોલ વ્યાપ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
