Author: નોબત સમાચાર
જામનગરના ઉદ્યોગપતિ દુષ્કર્મના કેસમાં પોલીસ સમક્ષ હાજરઃ બે મોબાઈલ કબજે
પ્રોપર્ટી જોવા જવાનું કહી યુવતી પર આચર્યું'તુ દુષ્કૃત્યઃ
જામનગર તા. ૧૨: જામનગરના એક ઉદ્યોગપતિ સામે ગયા મહિને દુષ્કર્મ અંગે સિક્કા પોલીસ સ્ટેશનમાં ફરિયાદ નોંધાવાઈ હતી. લોન અપાવી દેવાનું કામ કરતી એક યુવતીને પ્રોપર્ટી જોવા લઈ જવાનું બહાનુ બતાવી આ શખ્સે દુષ્કર્મ ગુજાર્યા પછી મહિનાઓ સુધી તેનો સિલસિલો યથાવત રાખ્યો હતો તેવી ફરિયાદ પોલીસમાં કરાયા પછી હાઈકોર્ટના હુકમથી આ આરોપી સિક્કા પોલીસ સ્ટેશનમાં હાજર થયો છે. પોલીસે તેના બે મોબાઈલ કબજે કરી લેબોરેટરીમાં મોકલી આપ્યા છે.
જામનગરના બેડી વિસ્તારમાં ઓઈલ મીલ ચલાવતા વિશાલ મોદી નામના શખ્સે એક યુવતીને પોતાની પ્રોપર્ટી પર લોન લેવાની છે તેમ કહી પ્રોપર્ટી જોવા આવવા માટે સાથે લઈ લાખાબાવળ પાસે એક વીલામાં લઈ જઈ નશાવાળુ પ્રવાહી પીવડાવી તેણી પર દુષ્કર્મ ગુજાર્યું હતું અને તે પછી તેનો વીડિયો બનાવી આ યુવતીને બ્લેકમેઈલ કરી અવારનવાર દુષ્કર્મ ગુજાર્યાની ફરિયાદ પોલીસમાં કરાઈ હતી.
આ ચકચારી કિસ્સામાં આરોપી વિશાલ મોદીએ આગોતરા જામીન મેળવવા માટે જામનગરની સેશન્સ કોર્ટમાં કરેલી અરજી નામંજૂર થતા તેણે હાઈકોર્ટમાં અરજી કરી હતી. તે અરજી અન્વયે હુકમ આપતા પહેલા વડી અદાલતે તપાસનીશ અધિકારી સમક્ષ બુધવારે આરોપીને હાજર થઈ જવા અને મોબાઈલ સાથે રાખવા સૂચના આપી હતી. તેના પગલે આરોપી વિશાલ મોદી સિક્કા પોલીસ સમક્ષ હાજર થયો છે. પોલીસે તેના બે મોબાઈલ કબજે કરી પૃથ્થકરણ માટે લેબોરેટરીમાં મોકલ્યો છે અને આરોપીની પૂછપરછ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
