Author: નોબત સમાચાર
સાયબર ફ્રોડ કરનારને બેંક એકાઉન્ટ વાપરવા આપનાર ચારના જામીન મંજૂર
નગરના અગિયાર શખ્સ સામે નોંધાયો છે ગુન્હોઃ
જામનગર તા. ૧૫: જામનગરના અગિયાર વ્યક્તિએ સાયબર ફ્રોડ આચરતી ટોળકીને પોતાના બેંક એકાઉન્ટ વાપરવા આપ્યા પછી આ શખ્સોના ખાતામાં રૂ.૪ કરોડથી વધુ રકમ જમા થઈ હતી. તેની તપાસ સાયબર ક્રાઈમ પોલીસે શરૂ કર્યા પછી તમામ અગિયારની ધરપકડ કરી હતી. તે પૈકીના ચાર આરોપીએ જામીનમુક્ત થવા કરેલી અરજી અદાલતે ગ્રાહ્ય રાખી છે.
જામનગર જિલ્લાના કેટલાક આસામીઓ સાથે ઓનલાઈન ફ્રોડ આચરાયાની સાયબર ક્રાઈમ પોલીસ સ્ટેશનમાં અરજી કરવામાં આવ્યા પછી ફ્રોડ અંગે શરૂ કરાયેલી તપાસમાં જામનગરના ૧૧ શખ્સે ફ્રોડ આચરનાર શખ્સોને પોતાના બેંક એકાઉન્ટ વાપરવા આપ્યા હોવાની વિગતો બહાર આવી હતી.
આ બાબતે ગયા સપ્તાહે સાયબર ક્રાઈમ પોલીસ સ્ટેશનના સ્ટાફે ખુદ ફરિયાદી બની મયુર મનહરલાલ સોઢા, મહેન્દ્ર રામજીભાઈ કણઝારીયા, દેવરાજ બાબુભાઈ ચોવટીયા, આનંદ હિતેશભાઈ ચોથાણી સહિતના અગિયાર શખ્સ સામે ગુન્હો રજીસ્ટર કરાવ્યો હતો. તે પછી તમામ અગિયારની ધરપકડ કરાઈ હતી.
આ વ્યક્તિઓના બેંક એકાઉન્ટમાં અંદાજે રૂ.૪ કરોડથી વધુની રકમ ટ્રાન્ઝેક્શનના સ્વરૂપે ટ્રાન્સફર થઈ હોવાની વિગતો પ્રકાશમાં આવતા તમામને જેલહવાલે કરાયા હતા. આરોપી પૈકીના મયુર સોઢા, આનંદ ચોથાણી, મહેન્દ્ર કણઝારીયા, દેવરાજ ચોવટીયાએ જામીનમુક્ત થવા અદાલતમાં અરજી કરી હતી. અદાલતે આ આરોપીઓને જામીન પર છોડવાનો હુકમ કર્યાે છે. આરોપી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
