Author: નોબત સમાચાર
ખંભાળિયા કલેકટર કચેરીમાં અધિકારીઓ તથા કર્મચારીઓ માટે સ્વાસ્થ્ય તપાસણી કેમ્પ
૧૨૮ જેટલા કર્મચારીઓ-અધિકારીઓની આરોગ્ય તપાસણીઃ
ખંભાળિયા તા. ૧૩: નાગરિકોની સેવા માટે સતત ફરજ બજાવતા અધિકારીઓ તથા કર્મચારીઓનું પણ આરોગ્ય સ્વસ્થ રહે તેવા ઉમદા આશયથી જિલ્લા કલેકટર રાજેશ તન્નાના માર્ગદર્શન તથા મુખ્ય જિલ્લા આરોગ્ય અધિકારી સી.બી. ચોબીસા દિશા નિર્દેશનમાં કલેકટર કચેરી ખંભાળિયામાં અધિકારીઓ તથા કર્મચારીઓની સ્વાસ્થ્ય ચકાસણી કરવામાં આવી હતી.
સ્વાસ્થ્ય ચકાસણી કેમ્પમાં કુલ ૧૨૮ જેટલા કર્મચારીઓ, અધિકારીઓની આરોગ્યની તપાસણી કરવામાં આવી હતી. જેમાં વજન, ઊંચાઈ, બીએમઆઈ, ડાયાબિટીસ, હાયપરટેન્શન, એકસરે, તેમજ મહિલાઓની બ્રેસ્ટ કેન્સર, સર્વાઇકલ કેન્સરની તપાસ કરવામાં આવી હતી. આ મેડિકલ કેમ્પમાં જિલ્લા પંચાયતમાં મેડિકલ ટીમના કુલ ૧૬ કર્મચારીઓ તેમજ ગાયનેકોલોજીસ્ટ દ્વારા હાજર રહી આ કામગીરી કરવામાં આવી હતી. જેમાં ડાયાબિટીસના ૦૫ અને હાયપરટેન્શનના ૧૬ નવા કેસો જોવા મળેલ હતા અને જરૂરી જીવનશૈલી અંગેનું કાઉંસેલીંગ કરી જરૂરિયાત મુજબના કર્મચારીઓને દવાઓ આપવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
