Author: નોબત સમાચાર
બેડીમાં ગેરકાયદે મકાનો પર કલેક્ટર, પોલીસતંત્ર દ્વારા શરૂ થઈ કાર્યવાહી
તાજેતરમાં લેન્ડ ગ્રેબિંગની ફરિયાદ થઈ હતી તે મકાન સહિત ત્રણ મકાન ધરાશાયીઃ ઓપરેશન રહેશે યથાવતઃ
જામનગર તા. ૩૦ઃ જામનગરના બેડી વિસ્તારમાં આવેલી સરકારી જમીન પર ૨૬ વર્ષથી એક શખ્સે પોતાનો આલીશાન બંગલો ખડક્યો હતો. તે શખ્સ સામે તાજેતરમાં જ મામલતદારે પોલીસમાં લેન્ડ ગ્રેબિંગ એક્ટ હેઠળ ફરિયાદ નોંધાવી હતી. આ ગેરકાયદે બાંધકામ ઉપરાંત બેડીમાં ખડકાયેલા અન્ય ગેરકાયદે બાંધકામોને જમીનદોસ્ત કરી નાખવા માટે આજ સવારથી કલેક્ટર તંત્ર અને પોલીસતંત્ર ધસી ગયું છે. આજ બપોર સુધીમાં બેડી વિસ્તારમાં ત્રણ ગેરકાયદે મકાનોને પાડી નાખવામાં આવ્યા છે. તે સિવાયના અન્ય બાંધકામોને પણ જમીનદોસ્ત કરવા માટે આ ઓપરેશન યથાવત રાખવામાં આવશે તેમ 'નોબત' સાથેની વાતચીતમાં જિલ્લા પોલીસવડાએ જણાવ્યું છે.
જામનગરના બેડી વિસ્તારમાં આવેલી સરકારી જમીન પર ૨૬ વર્ષ પહેલાં રઝાક સાયચા નામના શખ્સે દબાણ કરી પોતાના મકાન ખડકી દીધાની તાજેતરમાં જ મામલતદાર દ્વારા પોલીસમાં ફરિયાદ નોંધાવવામાં આવી હતી. આ જમીન પર રઝાક સાયચાએ બંગલો ઉભો કરી દીધો હતો. તેની તપાસ પછી સિટી-બી ડિવિઝન પોલીસ સ્ટેશનમાં લેન્ડ ગ્રેબિંગ એક્ટ હેઠળ ફરિયાદ કરાઈ હતી.
ત્યારપછી આ શખ્સના ગુન્હાહિત ઈતિહાસની વિગતો તપાસવા જિલ્લા પોલીસવડા પ્રેમસુખ ડેલુએ સૂચના આપી હતી અને આ ગુન્હામાં આરોપીની ધરપકડ માટે હુકમ કરતા હાલમાં જેલમાં રહેલા રઝાક સાયચાનો કબજો લેવાયો હતો અને વિધિવત ધરપકડ કરાયા પછી તેને જેલહવાલે કરાયો હતો.
તે દરમિયાન આ શખ્સ દ્વારા ઉભા કરાયેલા બંગલાને જમીનદોસ્ત કરવા હાથ ધરાયેલી તજવીજમાં આજે જામનગર એસડીએમ કચેરીના સ્ટાફ, મામલતદાર કચેરીના સ્ટાફની સાથે જામનગરના એસપી પ્રેમસુખ ડેલુના વડપણ હેઠળ પોલીસ કાફલો બેડી ધસી ગયો હતો. ડીવાયએસપી જયવીરસિંહ ઝાલા તેમજ સિટી-બી ડિવિઝનના પીઆઈ એચ.પી. ઝાલા, એલસીબી પીઆઈ જે.વી. ચૌધરી, એસઓજી ટીમ, બેડી મરીન પોલીસ સ્ટેશનના સ્ટાફ સાથે આજે સવારથી રઝાક સાયચાના બંગલા પર બુલડોઝર ફેરવી દેવા પોલીસ કાફલો અને વહીવટી તંત્ર પહોંચ્યું હતું.
મેગા ડિમોલિશન કહી શકાય તેવી કાર્યવાહી મોટાપાયે શરૂ કરાયા પછી આજે બપોર સુધીમાં ત્રણ ગેરકાયદે મકાનોને જમીનદોસ્ત કરી નાખવામાં આવ્યા હતા. તે ઉપરાંત બેડીમાં આવેલા અન્ય કેટલાક ગેરકાયદે બાંધકામોને પણ નેસ્ત નાબૂદ કરવા આ ઓપરેશન યથાવત રાખવામાં આવ્યું છે. હજુ કેટલાક મકાનો ગેરકાયદેસર રીતે ઉભા થઈ ગયા હોય તેની વિગતો મેળવી એસપી તથા કલેક્ટર તંત્રના અધિકારીઓ ઓપરેશન યથાવત રાખી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
