Author: નોબત સમાચાર
ગાંધીનગર રેલવે સ્ટેશન નજીક માજોઠી નગરના રહેવાસીઓની અપીલ નકારાઈ
જગ્યાના ખાલી કબજા માટે વેસ્ટર્ન રેલવેનો માર્ગ મોકળોઃ
જામનગર તા. ૩૦ઃ જામનગરના ગાંધીનગર રેલવે સ્ટેશન નજીક ૫૦ વર્ષથી ઉભા થઈ ગયેલા માજોઠીનગરવાળી જગ્યા વેસ્ટર્ન રેલવે વિભાગની છે. તે જગ્યા ખાલી કરાવવા માટે અંદાજે પંદરેક વર્ષથી તજવીજ કરતા રેલવે વિભાગને આખરે સફળતા પ્રાપ્ત થઈ છે. તે જગ્યા ખાલી કરાવવા માટે કરાયેલા હુકમ સામે થયેલી અપીલ જામનગરની અદાલતે નામંજૂર કરી છે.
જામનગરના ગાંધીનગર વિસ્તારમાં આવેલા રેલવે સ્ટેશન નજીકના માજોઠીનગર માં છેલ્લા પાંચેક દાયકાથી પાંત્રીસથી ચાલીસ જેટલા પરિવારો કાચા-પાકા મકાનો બાંધી ત્યાં વસવાટ કરી રહ્યા છે. વેસ્ટર્ન રેલવેની આ જગ્યા પર ઉપરોક્ત મકાનો ખડકાઈ ગયા છે. જેમાં પાણીની લાઈન, વીજજોડાણો પણ મેળવી લેવાયા છે.
આ જગ્યા ખાલી કબજે મેળવવા તેના ખરા અને કાયદેસરના માલિક વેસ્ટર્ન રેલવે તંત્ર દ્વારા વર્ષાેથી તજવીજ કરવામાં આવી રહી હતી. ગઈ તા.૩૧-૫-૨૦૦૮ના દિને વેસ્ટર્ન રેલવે દ્વારા આ આસામીને નોટીસ અપાઈ હતી. તે પછી વેસ્ટર્ન રેલવેના અધિકારીઓએ પબ્લિક પ્રિમાઈસીસ ઈરિક્સન એક્ટ ૧૯૭૧ હેઠળ કાર્યવાહી કરાતા અને તમામ રહેવાસીઓને આ જગ્યા છોડી દેવા તથા તેનો કબજો વેસ્ટર્ન રેલવેને સોંપી આપવા હુકમ કર્યાે હતો.
આ હુકમ રદ્દબાતલ કરાવવા માજોઠીનગરના રહેવાસીઓએ જામનગરની અદાલતમાં અપીલ નોંધાવી હતી. તે અપીલ પ્રિન્સીપાલ ડિસ્ટ્રીક્ટ એન્ડ સેશન્સ જજ સમક્ષ ચાલવા પર આવી હતી. ત્યાં લાંબા સમય સુધી ચાલેલી બંને પક્ષોની દલીલોના અંતે અદાલતે અલગ અલગ હાઈકોર્ટના રજૂ થયેલા ચૂકાદાઓ અને રેલવે તંત્ર તરફથી રોકાયેલા વકીલની દલીલો ગ્રાહ્ય રાખી માજોઠી નગરના રહેવાસીઓની અપીલ નામંજૂર કરી છે અને રેલવેના એસ્ટ્રેટ ઓફિસર અને સિનિયર ડિવિઝનલ એન્જિનિયરીંગ અધિકારી દ્વારા કરાયેલા હુકમને યથાવત રાખવામાં આવ્યો છે. વેસ્ટર્ન રેલવે તરફથી વકીલ નિતલ ધ્રુવ, ડેનિશા ધ્રુવ, પૂજા ધ્રુવ, આશિષ ફટાણીયા, ડી.એમ. જોષી, અલ્ફાઝ મુંદ્રા, અશ્વિન સોનગરા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
