Author: નોબત સમાચાર
ખંભાળિયામાં બનાવટી નોટ સાથે બેએક યુવાન ઝડપાયાની ચર્ચા
પોલીસ દ્વારા પૂછપરછની બિનઆધારભૂત વિગતોઃ
ખંભાળિયા તા.ર૪ : ખંભાળિયામાં કેટલાક શખ્સો રૂા.પ૦૦ના દરની નકલી ચલણી નોટ વટાવી રહ્યા હતા ત્યારે એક દુકાનદારની સતર્કતાના કારણે પોલીસને જાણ થયાની અને પોલીસે કેટલાક શખ્સોની અટકાયત કર્યાની વિગતો બિનઆધાર ભૂત સુત્રો દ્વારા જાણવા મળી છે. પોલીસે જો કે આ બાબતે કોઈ ફોડ પાડ્યો નથી.
તાજેતરમાં હાલાર વિસ્તારમાં રૂા.૫૦૦ના દરની બનાવટી નોટ અંગે ચેતતા રહેવાની તંત્રની હાકલ વચ્ચે ગઈકાલે ખંભાળિયામાં બે-ત્રણ યુવાન ખોટી ૫૦૦ના દરની ચલણી નોટ બે સ્થળે વટાવી અને ત્રીજા સ્થળે વટાવવા જતા શંકાના દાયરામાં આવ્યા હતા.
અગાઉ બે કે ત્રણ સ્થળે આ શખ્સોએ નકલી નોટ વટાવ્યા પછી તે નોટ અંગે એક દુકાનદારને શંકા પડી હતી. તેથી પોલીસને જાણ કરાઈ હતી જેના પગલે બે શખ્સ પોલીસના સકંજામાં આવી ગયાનું જાણવા મળ્યું છે.
માહિતગાર સૂત્રોના જણાવ્યા મુજબ બંને યુવાનની પોલીસ દ્વારા પૂછપરછ કરવામાં આવી રહી છે. તેમજ ક્યાંથી નોટો આવી? તે અંગે તપાસ પણ હાથ ધરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
