ગૌતમ ગંભીરને આઈએસઆઈએસ કાશ્મીર તરફથી જાનથી મારી નાખવાની ધમકી મળી

Author: નોબત સમાચાર

ગૌતમ ગંભીરને આઈએસઆઈએસ કાશ્મીર તરફથી જાનથી મારી નાખવાની ધમકી મળી

ભારતીય ક્રિકેટ ટીમ મુખ્ય કોચ અને પૂર્વ સાંસદ

નવી દિલ્હી તા. ૨૪: ભારતીય ક્રિકેટ ટીમના મુખ્ય કોચ અને ભાજપના ભૂતપૂર્વ સાંસદ ગૌતમ ગંભીરને આઈએસઆઈએસઆઈ કાશ્મીર' તરફથી જાનથી મારી નાખવાની ધમકી મળી છે. આ ધમકી પછી, ગંભીરે દિલ્હી પોલીસનો સંપર્ક કર્યો અને તાત્કાલિક કાર્યવાહીની માંગ કરી હતી.

ગંભીરને ૨૨ એપ્રિલના બે ધમકીભર્યા ઈમેલ મળ્યા હતા. એક ઈમેલ બપોરે અને બીજો સાંજે આવ્યો હતો. જેમાં 'આઈ કીલ યુ' મેસેજ લખેલો હતો. આ પહેલી વાર નથી જ્યારે ગંભીરને આવી ધમકીઓનો સામનો કરવો પડ્યો હોય, નવેમ્બર ૨૦૨૧ માં સાંસદ તરીકેના તેમના કાર્યકાળ દરમિયાન પણ આવો જ ઈમેલ મળ્યો હતો.

ગંભીરને જાનથી મારી નાખવાની ધમકી બાબતે દિલ્હી પોલીસે કહૃાું કે, 'અમને એક ઈમેલ વિષે માહિતી મળી છે , જેમાં ગૌતમ ગંભીરને ધમકી આપવામાં આવી છે. અમે આ મામલાની તપાસ કરી રહૃાા છીએ. ગંભીર પહેલાથી જ દિલ્હી પોલીસની સુરક્ષામાં છે. અમે તેમની સુરક્ષા સંબંધિત ચોક્કસ માહિતી જાહેર કરી શકતા નથી.'

ગૌતમ ગંભીરે મંગળવારે એકસ પર પહલગામ આતંકવાદી હુમલાની સખત નિંદા કરી હતી. ગંભીરે એકસ પર લખ્યું હતું - 'માર્યા ગયેલા લોકોના પરિવારો માટે પ્રાર્થના. આ માટે જવાબદાર લોકોને તેની કિંમત ચૂકવવી પડશે. ભારત જવાબ આપશે.

જો આપને આ પોસ્ટ ગમી હોય તો શેર કરો...