Author: નોબત સમાચાર
જામ્યુકોની મેરેથોન-સાયક્લોથોનમાં સ્પર્ધકોને ટી-શર્ટ તથા સાયકલો માટે નગરની ચાર બેંક દ્વારા આર્થિક સહયોગ
હર ઘર સ્વદેશી, ઘર-ઘર સ્વદેશી અભિયાન અંતર્ગત યોજાયેલી
જામનગર મહાનગરપાલિકા દ્વારા યોજાયેલી મેરોથોન-સાયક્લોથોનમાં ચાર બેંકો સહિતના એકમો દ્વારા જરૂરી સહયોગ આપવામાં આવ્યો હતો. હર ઘર સ્વદેશી, ઘર-ઘર સ્વદેશી અભિયાન અને ફિટ ઈન્ડિયા મુવમેન્ટ અંતર્ગત ગત્ તા. ૧૩ ના મેરેથોન અને તા. ૧૪ ના સાયક્લોથોનનું આયોજન કરવામાં આવ્યું હતું. આ બન્ને ઈવેન્ટમાં કુલ ૩૦ લોકોને સાયકલ તેમજ અનેક સ્પર્ધકોને ટી-શર્ટ આપવામાં આવ્યા હતાં.
જેમાં એચ.ડી.એફ.સી. બેંક તરફથી ૧૦૦૦ ટી-શર્ટ અને ૧૦ સાયકલ, ઈન્ડિયન બેંક તરફથી ૧૦૦૦ ટી-શર્ટ, યુનિયન બેંક ઓફ ઈન્ડિયા તરફથી ૧૦ સાયકલ અને એક્સીસ બેંક તરફથી ૧૦ સાયકલનો સહયોગ સાંપડ્યો હતો. આ માટે મહાનગર પાલિકાના ચીફ એકાઉન્ટ અને ઈન્ચાર્જ આસી. કમિશનર (ટેક્સ) જીગ્નેશ નિર્મલ અને તેની ટીમ દ્વારા બેંકો સાથે વાટઘાટો કરવામાં આવી હતી. આ કાર્યક્રમમાં એચડીએફસીના સિનિ. વાઈસ પ્રેસિડેન્ટ નિરજ દત્તાણી, યુનિયન બેંક ઓફ ઈન્ડિયા (જેએમસી) ના શાખા મેનેજર વિપીન દાઉરા, એક્સીસ બેંકના મેનેજર જયદિપ ભટ્ટ અને ઈન્ડિયન બેંકના ઝોનલ મેનેજર ઘનશ્યામ કુમાર અને મેનેજર વરૂણ ગર્ગ પોતાની ટીમ સાથે ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
