Author: નોબત સમાચાર
પટ્ટણીવાડમાં પાનની દુકાને ક્રિકેટનો સટ્ટો રમતા સાત શખ્સ સામે ગુન્હો નોંધતી પોલીસ
ચિઠ્ઠીઓ લખી રમતા હતા જુગારઃ
જામનગર તા. ૯: જામનગરના પટ્ટણીવાડ વિસ્તારમાં પાનની એક દુકાને ગઈરાત્રે ટીવી પરથી પ્રસારિત થતાં ટી-ટવેન્ટી ક્રિકેટ મેચનો સ્કોર નીહાળી તેના પર જુગાર રમતા સાત શખ્સને પોલીસે પકડી પાડ્યા છે.
જામનગરના કાલાવડ નાકા વિસ્તારમાં આવેલા પટ્ટણીવાડ પાસે ગઈકાલે રાત્રે કેટલાક શખ્સો પાનની એક દુકાન પાસે ઉભા રહી ક્રિકેટના મેચ પર સટ્ટો રમી રહ્યા છે તેવી બાતમી પરથી સિટી એ ડિવિઝનના પીઆઈ એન.એ. ચાવડાની સૂચનાથી સર્વેલન્સ સ્ટાફે ત્યાં આવેલી કુરેશી પાન નામની દુકાન પાસે દરોડો પાડ્યો હતો.
આ સ્થળેથી સાઉથ અફ્રિકામાં ચાલતી ટી-ટવેન્ટી ક્રિકેટ મેચનો ટીવીમાં લાઈવ સ્કોર નીહાળી તેના પર રનફેર સહિતના સોદા કરતા તોહિદ ગુલામહુસેન પઠાણ, યાસીન અબ્બાસ ચાવડા, બિપીન નરોત્તમદાસ બોસમીયા, અલ્તાફહુસેન ગની ખતાઈ, રફીક ઈશાક તરકબાણ, યુનુસ બોદુભાઈ ખુરેશી, હસન અબ્બાસ અગવાન નામના સાત શખ્સ મળી આવ્યા હતા.
પોલીસે આ શખ્સો પાસેથી રૂ।.૧૨૬૦૦ રોકડા, સોદા લખેલી ચિઠ્ઠીઓ કબજે કરી તમામ સામે જુગારધારાની કલમ ૧૨ હેઠળ કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
