Author: નોબત સમાચાર
ગોકુલનગર જકાતનાકા પાસે ટ્રાફિક શાખાના કર્મચારી સાથે બોલાચાલી
બે શખ્સ સામે ફરજ રૂકાવટનો ગુન્હો નોંધાયોઃ
જામનગર તા. ૯: જામનગરના ગોકુલનગર જકાતનાકા પાસે ટ્રાફિકને અડચણ થાય તે રીતે પડેલી સ્કોર્પિયો હટાવી લેવાનું કહેતા તેના ચાલકે પોતાના મિત્ર સાથે મળી ટ્રાફિક શાખાના કર્મચારી સાથે બોલાચાલી કરવા ઉપરાંત ફરજમાં રૂકાવટ કરી હતી. બંને સામે ગુન્હો નોંધાયો છે.
જામનગરની ટ્રાફિક શાખાના સ્ટાફ દ્વારા ગઈકાલે પીએસઆઈ એમ.બી. વાળાના વડપણ હેઠળ ગોકુલનગર જકાતનાકા સર્કલ પાસે ટ્રાફિક અંગેની કાર્યવાહી કરવામાં આવી રહી હતી ત્યારે જીજે-૧૦-ઈસી ૨૨૧૧ નંબરની કાળા રંગની સ્કોર્પિયો મોટર ટ્રાફિકને અડચણ થાય તેમ રાખેલી જોવા મળી હતી.
આ મોટર પાસે જઈ પીએસઆઈ વાળાએ કાર્યવાહી કરવાનો પ્રયત્ન કરતા તે મોટર લઈને આવેલા મયુર ગોકુલભાઈ માળીયાએ બિનજરૂરી હોર્ન વગાડયું હતું અને ફોન કરીને તેના મિત્ર ભવ્યરાજસિંહ ગોહિલને બોલાવ્યા હતા. ત્યારપછી મયુર તથા ભવ્યરાજે ટ્રાફિક શાખાના કર્મચારી સાથે બોલાચાલી કરી તેની ફરજમાં રૂકાવટ કરી હતી. પીએસઆઈ વાળાએ ખુદ ફરિયાદી બની સિટી સી ડિવિઝનમાં મયુર તથા ભવ્યરાજસિંહ સામે ગુન્હો નોંધાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
