Author: નોબત સમાચાર
વડોદરામાં સગીરા પર દુષ્કર્મઃ બે આરોપી દબોચાયા
દુકાને વસ્તુ લેવા ગઈ, ત્યાંથી ફોસલાવીને લઈ ગયાઃ
વડોદરા તા. ૯: વડોદરામાં ૧૪ વર્ષની સગીરાને ૩ કલાક ગોંધી રાખી સામૂહિક દુષ્કર્મ આચરનાર બેની ધરપકડ થઈ છે. આ ઘટનાએ વડોદરામાં ચકચાર જગાવી છે.
વડોદરાના નવા યાર્ડ વિસ્તારમાં સગીરા પર સામૂહિક દુષ્કર્મના બનાવને પગલે સમગ્ર વિસ્તારમાં તંગ પરિસ્થિતિ સર્જાઈ હતી. પોલીસે તાત્કાલિક પગલાં લઈ બે જણાને ઝડપી પાડ્યા હતાં.
નવા યાર્ડ વિસ્તારમાં રહેતી ૧૪ વર્ષની સગીરા ગઈકાલે દુકાને કોઈ ચીજવસ્તુ લેવા ગઈ હતી તે દરમિયાન ત્યાં બેઠેલા બે યુવકોએ તેની સાથે વાતચીત કરીને ફોસલાવીને નજીકના મકાનમાં લઈ ગયા હતાં. ત્રણથી ચાર કલાક સુધી સગીરાને ગોંધી રાખી બળાત્કાર ગુજારવામાં આવ્યો હોવાની વિગતો બહાર આવી છે. સગીરાની બૂમ સાંભળી આસપાસના લોકો મદદ માટે દોડી આવ્યા હતાં.
બનાવની જાણ પરિવારજનોને થતા ટોળા જામ્યા હતાં અને પોલીસને બોલાવી હતી. તે પછી ફતેગંજ પોલીસ સગીરાને લઈ સિવિલ હોસ્પિટલમાં પહોંચી હતી અને ત્યાં પણ ટોળા જામતા ઉત્તેજનાભર્યા દૃશ્યો સર્જાયા હતાં. જોઈન્ટ પોલીસ કમિશનર, નાયબ પોલીસ કમિશનર અને આસિસ્ટન્ટ કમિશનર સહિતના અધિકારીઓ કાફલા સાથે આવી જતા સ્થિતિ થાળે પાડી હતી. ઉપરોક્ત બનાવ અંગે ફતેગંજ પોલીસે બળાત્કારનો ગુનો નોંધી હર્ષિત મેકવાન અને હેપ્પી નામના યુવકને દબોચી લીધા છે. બન્ને યુવકો ૧૯ અને ર૦ વર્ષના છે. હાલમાં તેમની પૂછપરછ કરવામાં આવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
