Author: નોબત સમાચાર
જામનગરમાં રાધિકા એડયુકેર સ્કૂલના વિદ્યાર્થીઓએ રજૂ કર્યું મોટિવેશનલ સોંગ
લુઈ બ્રેઈલ ભાષાની ૨૧૭મી વર્ષગાંઠના પ્રસંગે
જામનગર તા. ૯: રાધિકા એડયુકેર સ્કૂલના વિદ્યાર્થીઓએ લુઈ બ્રેઈલની વર્ષગાંઠ નિમિત્તે મંચ પર પ્રેરણા જગાવતું સોંગ રજૂ કર્યું હતું. જામનગરમાં અંધજન વિવિધલક્ષી તાલીમ કેન્દ્ર દ્વારા મહાત્મા લુઈ બ્રેઈલની ૨૧૭મી જયંતી નિમિત્તે એક પ્રેરણાદાયી કાર્યક્રમનું આયોજન કરવામાં આવ્યું હતું. લુઈ બ્રેઈલ એ દૃષ્ટિહીન લોકો માટે વાચન-લખાણની વિશેષ પદ્ધતિ "બ્રેઈલ લીપી"નો આવિષ્કાર કરીને સમગ્ર વિશ્વના અંધજન માટે શિક્ષણ અને જ્ઞાનના દ્વાર ખુલ્લા કર્યા હતા. તેમનું જીવન સંઘર્ષ, આત્મવિશ્વાસ અને માનવસેવાની ઉત્તમ પ્રેરણા છે.
આ કાર્યક્રમમાં રાધિકા એડયુકેર સ્કૂલના વિદ્યાર્થીઓ દ્વારા સુંદર પ્રસ્તૂતિ રૂપે એક પ્રેરણાદાયી (મોટીવેશનલ) સોંગ રજૂ કરવામાં આવ્યું હતું. જેની ઉપસ્થિત સૌએ ભારે પ્રશંસા કરી હતી. આ કાર્યક્રમમાં મુખ્ય મહેમાન તરીકે ભરતેશ શાહ, ચેરમેન-જૈન એડયુકેશન ટ્રસ્ટ તેમજ સ્નેહા રાવ-લેફટનન્ટ કર્નલ, ૮ નેવલ ગુજરાત, એન.સી.સી. બટાલિયન ઉપસ્થિત રહ્યા હતા. મહેમાનોએ મહાત્મા લુઈ બ્રેઈલના જીવનકાર્ય વિશે પ્રકાશ પાડયો હતો અને વિદ્યાર્થીઓને તેમની જેમ સંઘર્ષ કરીને આગળ વધવાની પ્રેરણા આપી હતી. કાર્યક્રમના અંતે અંધજન વિવિધલક્ષી તાલીમ કેન્દ્ર દ્વારા તમામ મહેમાનો, શિક્ષકો તથા વિદ્યાર્થીઓનો આભાર વ્યક્ત કર્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
