દ્વારકા સહિત ગુજરાતમાં એનડીઆર એફની વધુ ચાર ટીમ તૈનાતઃ તંત્રો એલર્ટ

Author: નોબત સમાચાર

દ્વારકા સહિત ગુજરાતમાં એનડીઆર એફની વધુ ચાર ટીમ તૈનાતઃ તંત્રો એલર્ટ

ભારે વરસાદ જેવી સ્થિતિમાં આગમચેતીના ભાગ રૃપે

અમદાવાદ તા. રપઃ દ્વારકા સહિત રાજ્યમાં ચોમાસાને લક્ષ્યમાં લઈને આગમચેતીના ભાગરૃપે એનડીઆરએફની ચાર ટીમો તૈનાત કરાઈ છે.

ગુજરાતમાં ચોમાસાને લઈ એનડીઆરએફની ટીમો તૈનાત કરાઈ છે. જેમાં એનડીઆરએફની વધુ ૪ ટીમોને તૈનાત કરાઈ છે. તેમાં ગીર સોમનાથ, ભાવનગરમાં ૧-૧ ટીમ તેમજ દ્વારકા અને નર્મદામાં ૧-૧ ટીમ તથા એનડીઆરએફની કુલ ૭ ટીમો જિલ્લાઓમાં તૈનાત કરાઈ છે. રાજ્યમાં સાર્વત્રિક વરસાદ મામલે આગમચેતીના ભાગરૃપે આ એનડીઆરએફની વધુ ૪ ટીમો તૈના કરાઈ છે.

ગીર સોમનાથ, ભાવનગર, દ્વારકા અને નર્મદામાં એક એક ટીમો ડિપ્લોઈડ કરવામાં આવે છે, તેમજ ભૂજ, વલસાડ, રાજકોટ પહેલાથી એનડીઆરએફની ટીમ હાજર છે. જેમાં કુલ સાત ટીમ જિલ્લાઓમાં હાલ સ્ટન્ડ ટુ રાખવામાં આવી છે. અગાઉ હવામાન વિભાગની આગાહીને લઈને વલસાડ જિલ્લામાં એક એનડીઆરએફની ટીમ સ્ટેન્ડબાય કરવામાં આવી હતી. વલસાડ જિલ્લામાં પ દિવસ ભારે વરસાદની આગાહીને લઈને વલસાડ જિલ્લામાં એક એનડીઆરએફની ટીમ સ્ટેન્ડબાય રાખવામાં આવી હતી. એનડીઆરએફની ટીમ દ્વારા વલસાડના લોલેવલના વિસ્તારો તથા તિથલ બીચની મુલાકાત લેવામાં આવી હતી.

વલસાડ જિલ્લામાં ઉપરવાસમાં ભારે વરસાદ અને જ લો લેવલના વિસ્તારમાં પાણી ભરાય તો વહેલી તકે એનડીઆરએફ દ્વારા કઈ રીતે ત્યાંના લોકોનું રેસ્ક્યુ કરવામાં આવે એ માટે તમામ લો લેવલના વિસ્તારોની મુલાકાત લેવાઈ હતી અને સાથે ત્યાંના લોકો સાથે વાતચીત કરી પૂર સમયે કઈ રીતે જાનમાલ બચાવી શકાય એ માટે માહિતી અપાઈ હતી.

જો આપને આ પોસ્ટ ગમી હોય તો શેર કરો...