દેવભૂમિ દ્વારકામાં ગ્રાહકો વારંવાર બને છે છેતરપિંડીનો ભોગઃ જનજાગૃતિ વધારવી જરૃરી

Author: નોબત સમાચાર

દેવભૂમિ દ્વારકામાં ગ્રાહકો વારંવાર બને છે છેતરપિંડીનો ભોગઃ જનજાગૃતિ વધારવી જરૃરી

ગ્રાહક સુરક્ષા સંસ્થાઓના અભાવના કારણે

ખંભાળિયા તા. ર૫ઃ અંગ્રેજીમાં કહેવત છે કસ્ટમર ઈઝ એ ગોડ પણ આ ભગવાન ગણાતો ગ્રાહક યોગ્ય માર્ગદર્શન તથા જાણકારીના અભાવે દ્વારકા જિલ્લામાં છેતરપિંડીનો ભોગ વારંવાર બની રહ્યો છે.

દ્વારકા જિલ્લામાં ગ્રાહક સુરક્ષા મંડળો કે જાગૃતિ માટેની સંસ્થાઓ ના હોય ગ્રાહક સુરક્ષાની બાબતો તથા ગ્રાહકોને તેમના હક્ક તથા ફરજ અંગે જાગૃતિ માટે કોઈ કાર્યક્રમો ના થતા હોય કે જાણકારી ના મળતી હોય, ગ્રાહકો છેતરાય તો શું કરવું? કેમ જાગૃતિ તથા સાવચેતી રાખવી તે ખબર ન હોય, ગ્રાહકો વારંવાર છેતરાય છે.

શાળામાં ગ્રાહક સુરક્ષા સ્થળો ચલાવાય છે. મંડળો દ્વારા કાર્યક્રમો થાય છે. પણ દ્વારકા આખા જિલ્લામાં આવું કોઈ પ્રવૃત્તિ કરતું મંડળ પણ નથી અને સરકારી તંત્ર પુરવઠા વિભાગ દ્વારા પણ ક્યારેય આવી પ્રવૃત્તિ થતી નથી. રાજકોટમાં એવી સંસ્થા દ્વારા ક્યારેક જામનગર, દ્વારકા જિલ્લામાં પ્રવૃત્તિઓ સમ ખાવા પૂરતી થાય છે, પણ ગ્રાહકોની જાગૃતિ માટે કાયમી સંસ્થા કે મંડળો ના હોય ગ્રાહકો લૂંટાય છે જેથી માર્ગદર્શન સંસ્થાઓ બનાવવા તથા કાર્યક્રમો કરવા માંગણી ઊઠી છે.

જો આપને આ પોસ્ટ ગમી હોય તો શેર કરો...