Author: નોબત સમાચાર
સરકારી મહિલાકર્મીઓને સરોગસી પદ્ધતિથી માતા બનવા પર મળશે ૬ મહિનાની મેટરનિટી લીવ
સરકારે હવે મેટરનિટી લીવની પણ જોગવાઈ કરી છેઃ
નવી દિલ્હી તા. રપઃ સરકારી મહિલાઓને પણ સરોગસી પદ્ધતિથી માતા બનવા પર ૬ મહિનાની પિટરનિટી લીવ મળશે.
સરોગસીથી માતા બનનારી મહિલાઓ માટે સારા સમાચાર છે. હવે સરકારી મહિલા કર્મચારી સરોગસીથી માતા બનવા પર છ મહિનાની મેટરનિટી લીવ લઈ શકશે. કેન્દ્ર સરકારે આ મામલે પ૦ વર્ષ જુના નિયમોમાં સંશોધન કર્યું છે. મોદી સરકારે સરોગસી મામલે મહિલા કર્મચારીઓને ૬ મહીનાની મેટરનિટી લીવ આપવા માટે નિયમોમાં સુધારા કર્યા છે.
પિતાને પણ પેટરનિટી લીવઆપવા મંજુરી આપી છે. કેન્દ્રિય સિવિલ સેવા નિયમાવલી ૧૯૭ર માં કરવામાં આવેલા સુધારા અનુસાર માતા બાળકની સંભાળ રાખવા માટે લીવ લઈ શકશે. તેમજ પિતા પણ ૧પ દિવસની પેટરનિટી લીવ લઈ શકશે.
બાળક ન થતા હોય અથવા કોઈ અડચણ હોય તો દંપતી બાળકને જન્મ આપવા માટે અન્ય મહિલાની કૂખ ભાડે લે છે. જેને સરોગસી પ્રેગનન્સી કહે છે. કેન્દ્ર સરકાર દ્વારા જારી નોટીફિકેશન અનુસાર સરોગસી મારફત બાળકને જન્મ આપનારી મા અને બાળકને અપનાવનાર દંપતીને પણ રજાની જરૃરિયાતને ધ્યાન રાખી આ મોટો નિર્ણય લેવામાં આવ્યો છે. હવે સરોગસીના કિસ્સામાં મેટરનિટી લીવ ૧૮૦ દિવસ સુધી લઈ શકશે. તેમજ સરોગેટને પણ ૧૮૦ દિવસ સુધી રજા મળી શકશે.
અત્યાર સુધી સરોગસી મારફત બાળકના જન્મની સ્થિતિમાં મહિલા કર્મચારીઓ માટે મેટરનિટી લીવની કોઈ જોગવાઈ ન હતી. હવે નવા નિયમોમાં સરોગસી મારફત બાળકને જન્મ આપનાર માતા-પિતા જો સરકારી કર્મચારી છે, તો તેમણે ડિલિવરીની તારીખથી ૬ મહિનાની અંદર ૧પ દિવસની મેટરનિટી અને ૧૮૦ દિવસની મેટરનિટી લીવ લેવાની રહેશે.
વર્તમાન નિયમો અનુસાર એક મહિલા અને પુરુષ કર્મચારી પોતાના સેવાકાળ દરમિયાન વધુમાં વધુ ૭૩૦ દિવસની ચાઈલ્ડ કેયર લીવ લઈ શકે છે, જેમાં બે બાળકની સંભાળ, શિક્ષણ, અ બીમારી જેવી તમામ બાબતો સામેલ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
