Author: નોબત સમાચાર
પંજાબમાં ફટાકડાની ફેકટરીમાં વિસ્ફોટ થતા પાંચના મૃત્યુઃ ૨૭થી વધુ સારવાર હેઠળ
બે માળની ઈમારત ધ્વસ્તઃ જવાબદાર કોન્ટ્રાકટર ફરાર
ચંદીગઢ તા. ૩૦: પંજાબના મુકતસર સાહિબમાં ફટાકડાં ફેકટરીમાં વિસ્ફોટ થતા પાંચના મોત થયા છે, અને ૨૭થી વધુ ઈજાગ્રસ્ત થયા છે.
પંજાબના લમ્બી મતવિસ્તાર નજીક સિંઘેવાલા-ફુતૂહીવાલા ગામના ખેતરોમાં આવેલી ફટાકડાની ફેક્ટરીમાં ગુરૂવારે (૩૦ મે) મોડી રાત્રે આશરે ૧૨:૫૦ વાગ્યે જોરદાર વિસ્ફોટ થયો હતો. પ્રાથિમક માહિતી મુજબ, આ વિસ્ફોટમાં ૨૭ શ્રમિક ગંભીર રીતે ઈજાગ્રસ્ત થયા છે અને ૫થી વધુના મોત નીપજ્યા છે. ઈજાગ્રસ્તોને બઠિંડા એઇમ્સ હોસ્પિટલમાં સારવાર અર્થે ખસેડવામાં આવ્યા છે. વિસ્ફોટના કારણે બે માળની ફેક્ટરીની ઈમારત પળવારમાં ધ્વસ્ત થઈ ગઈ હતી. ફેક્ટરીમાં બ્લાસ્ટ થયો, ત્યારથી જવાબદાર કોન્ટ્રાક્ટર ફરાર થઈ ગયો છે. મોટાભાગના કર્મચારીઓ ઉત્તર પ્રદેશમાં અને બિહારના હતા. બ્લાસ્ટ બાદ ઘટનાસ્થળે કોર્સેર કંપનીના બોક્સમાં તૈયાર ફટાકડા પડ્યા હતા. આ દરમિયાન ઘટનાસ્થળથી હરિયાણાની નંબર પ્લેટવાળો છોટા હાથી (વાહન) પણ મળી આવ્યું હતું.
સમગ્ર ઘટનાની જાણ થતાં એસએસપી અખિલ ચૌધરી, એસપી મનમીત સિંહ, લમ્બીના ડીએસપી જસપાલ સિંહ અને કિલ્લિયાંવાલી પોલીસ સ્ટેશનના પ્રભાર કર્મજીત કૌર પણ ઘટનાસ્થળે દોડી આવ્યા હતાં. હાઇડ્રો મશીનથી હાલ કાટમાળ દૂર કરવાની પ્રક્રિયા હાથ ધરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
