Author: નોબત સમાચાર
ધ્રોલ પંથકમાંથી સગીરાનું અપહરણ કરી દુષ્કર્મ ગુજારવાના ગુન્હામાં આજીવન કેદ
સગીરાને રૂ.ર લાખ વળતર પેટે ચૂકવાશેઃ
જામનગર તા. ૩૦: ધ્રોલ પંથકમાંથી પાંચ શખ્સે એક સગીરાને રાત્રિના સમયે અપહરણ કરી લઈ તેણી પર પાશવી સામૂહિક દુષ્કર્મ ગુજાર્યું હતું. ઉપરોક્ત કેસ ચાલી જતાં અદાલતે એક આરોપીને આજીવન કારાવાસની સજા ફટકારી છે.
ધ્રોલ ૫ંથકમાં ખેતમજૂરી માટે આવીને રહેતા એક પરિવારની સાડા બાર વર્ષની એક તરૂણી ગઈ તા.૧૨-૩-૨૦૨૪ની રાત્રે પોતાના રહેણાંકના સ્થળે સૂતી હતી અને તેણીના ભાઈ સહિતના અન્ય વ્યક્તિઓ એક ખેતરમાં કામ પર ગયા હતા. ત્યાંથી જ્યારે તરૂણીનો ભાઈ પરત આવ્યો ત્યારે એક શખ્સે બૂમ પાડીને કહ્યું હતું કે, તારી બહેનને કોઈ ઉપાડી જાય છે જેથી દોડીને આવેલા ભાઈએ તપાસ કરતા તરૂણી જોવા મળી ન હતી.
તે દરમિયાન એક ખેડૂતે રમેશ રમુ તથા ભોલા ખેમુ નામના બે શખ્સની પૂછપરછ કરતા રમેશે તે તરૂણી જ્યાં હતી તેનું સ્થળ બતાવતા ત્યાં દોડી ગયેલા તરૂણીના ભાઈ સહિતના વ્યક્તિઓને આ તરૂણી લોહીલુહાણ હાલતમાં કપાસના ઉભા પાકમાંથી મળી આવી હતી. તેણીને પૂછતા રાત્રે રમેશ, ભોલો ખેમુ અને અન્ય ત્રણ શખ્સ ઉપાડી ગયાની અને એક ખેતરમાં લઈ જઈ રમેશ તે પછી ભોલા, મુકેશ, કુુંવરસિંગ, ઉગેરસિંગ નામના શખ્સોએ દુષ્કર્મ ગુજાર્યાની વાત કરતા પોલીસ માં ફરિયાદ કરાઈ હતી. પોલીસે ગેંગરેપનો ગુન્હો નોંધી આરોપીઓની શરૂ કરેલી શોધખોળમાં તમામ આરોપી ઝડપાઈ ગયા હતા.
ઉપરોક્ત કેસ જામનગરની ખાસ પોક્સો અદાલતમાં ચાલવા પર આવતા અદાલતે આરોપીઓ પૈકીના મુકેશને તક્સીરવાન ઠરાવી આઈપીસી ૩૭૬ (ડી), ૩૪ તથા પોક્સો એક્ટની કલમ ૪, ૬, ૧૦ હેઠળ આજીવન કારાવાસની સજા તથા રૂ.રપ હજારનો દંડ તથા આઈપીસી ૩૬૩ના ગુન્હામાં ત્રણ વર્ષની સજા, રૂ.ર હજાર દંડ, આઈપીસી ૩૬૫ના ગુન્હામાં પાંચ વર્ષની સખત કેદ, રૂ.પ હજાર દંડ, આઈપીસી ૩૪૨ના ગુન્હામાં છ મહિનાની સજા, રૂ.૫૦૦ દંડ અને આઈપીસી ૩૨૫ના ગુન્હામાં ત્રણ વર્ષની સખત કેદ તેમજ રૂ.પ હજારનો દંડ, આઈપીસી ૧૨૦ (બી)ના ગુન્હામાં છ મહિનાની સખત કેદ અને રૂ.૫૦૦નો દંડ ફટકાર્યાે છે. ભોગ બનનાર સગીરાને વળતર પેટે રૂ.ર લાખ કમ્પેઈન્સેશનમાંથી ચૂકવવામાં આવશે. સરકાર તરફથી પીપી ભારતીબેન વાદી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
