Author: નોબત સમાચાર
જામનગર ગ્રામ્ય, જામજોધપુર, લાલપુરમાં પકડાઈ રૂપિયા અડધા કરોડની વીજચોરી
ચાર દિવસમાં રૃા.૧.૮૮ કરોડની પાવર ચોરી ઝડપાઈઃ
જામનગર તા. ૧૯ઃ જામનગર નજીકના ઢીંચડા, કનસુમરા, સરમત, મસીતીયા, લાખાબાવળ સહિતના ગામોમાં તેમજ લાલપુર અને જામજોધપુરના ગ્રામ્ય પંથકમાં ગઈકાલે વીજ ચેકીંગ કરાતા રૃા.૫૦ લાખની વીજચોરી ઝડપાઈ ગઈ છે. ચાર દિવસમાં રૃા.૧ કરોડ ૮૮ લાખની વીજચોરી પકડી પાડવામાં આવી છે.
જામનગરની સ્થાનિક પીજીવીસીએલ કચેરી દ્વારા વીજચોરી ડામવા માટે શરૃ કરવામાં આવેલા ચેકીંગ દરમિયાન ગઈકાલે સ્થાનિક અધિકારીઓના વડપણ હેઠળની ૫૦ ટૂકડીએ જામનગર તાલુકાના મસીતીયા, સરમત, લાખાબાવળ, કનસુમરા, ઢીંચડા સહિતના ગામોમાં ચેકીંગ કર્યું હતું.
તે ઉપરાંત લાલપુર અને જામજોધપુર તાલુકામાં સમાવિષ્ટ ઈશ્વરીયા, મોટી વેરાવળ, હોથીજી ખડબા, સણોસરા, ભણગોર, વનાણા, આંબરડી, સણોસરી તથા મેઘપર ગામમાં પણ વીજ ચેકીંગ માટે ટૂકડીઓ ધસી ગઈ હતી. કુલ ૫૩૭ વીજજોડાણો ચકાસવામાં આવતા તેમાંથી ૧૦૬ વીજજોડાણમાં ગેરરીતિ મળી આવી હતી. તેના ધારકોને રૃા.૫૦ લાખ ૧૭ હજારના બીલ આપવામાં આવ્યા છે.
જામનગર ઉપરાંત કાલાવડ તેમજ લાલપુર, જામજોધપુર અને કલ્યાણપુર પંથક તથા જામનગર શહેરમાં સતત ચોથા દિવસે કરાયેલા વીજ ચેકીંગમાં રૃા.૧ કરોડ ૮૮ લાખ ૫૯ હજારની વીજચોરી ઝડપાઈ જવા પામી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
