Author: નોબત સમાચાર
ભાણવડના બરડા પંથકમાં દેશી દારૃ બનાવવાની બે ગંજાવર ભઠ્ઠી ઝડપાઈ
૨ હજાર લીટર આથો, ૫૦૦ લીટર દારૃ કબજેઃ
જામનગર તા. ૧૯ઃ ભાણવડના બરડા ડુંગર વિસ્તારમાં ગઈકાલે સ્થાનિક પોલીસે દરોડા પાડી દેશી દારૃની બે ગંજાવર ભઠ્ઠી પકડી પાડી હતી. ત્યાંથી કુલ ૨ હજાર લીટર આથો અને ૫૦૦ લીટર તૈયાર દેશી દારૃ તેમજ ભઠ્ઠીના સાધનો કબજે કરાયા છે. બંને ભઠ્ઠી સંચાલક નાસી જવામાં સફળ થયા છે.
દેવભૂમિ દ્વારકા જિલ્લાના ભાણવડ તાલુકામાં બરડા પંથકમાં દેશી દારૃની ભઠ્ઠીઓ ધમધમતી હોવાની બાતમી પરથી ગઈકાલે ભાણવડ પોલીસ સ્ટેશનના સ્ટાફે પીએસઆઈ એમ.આર. સવસેટા, એમ.કે. ગઢવીના વડપણ હેઠળ ગુપ્ત વેશ ધારણ કરી દરોડા પાડ્યા હતા.
ત્યાં આવેલા ધામણીનેસ, વાગડીયાનેસ, કાઠીયાણીનેસ, છપીયાનેસ, ગારીનેસ, બાડા નેસ, ખોડિયાર નેસમાં પાડવામાં આવેલા દરોડામાં જયેશ કારા રબારી તથા નારણભાઈ બાલાભાઈ રબારી નામના બે શખ્સની બે ભઠ્ઠી મળી આવી હતી. બંને સ્થળેથી કુલ રૃા.૨ હજાર લીટર આથો, ૫૦૦ લીટર તૈયાર દેશી દારૃ તથા ભઠ્ઠીના સાધનો કબજે કરી લેવાયા છે. બંને આરોપી પોલીસના દરોડા પહેલા નાસી જવામાં સફળ થયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
