Author: નોબત સમાચાર
'એક ૫ેડ મા કે નામ' અભિયાન અંતર્ગત માહી ડેરી દ્વારા વૃક્ષારોપણ
વન વિભાગના સહયોગથી
રાજકોટ તા. ૪: વિશ્વમાં વધતા જતા પ્રદૂષણને નાથવા અનેક સંસ્થાઓ દ્વારા વૃક્ષો વાવીને સામાજિક જવાબદારીનું પ્રેરણાત્મક કાર્ય કરવામાં આવી રહ્યું છે. દેશના વડાપ્રધાન નરેન્દ્રભાઈ મોદીએ એક પેડ મા કે નામ અભિયાનશરૂ કરાવી સમગ્ર દેશમાં વધુને વધુ વૃક્ષો વાવવા લોકોને અપીલ કરી છે. સૌરાષ્ટ્ર તથા કચ્છના દૂધના ઉત્પાદકોની સંસ્થા માહી ડેરી દ્વારા એક પેડ મા કે નામ અભિયાન અંતર્ગત સંસ્થાની વિવિધ જિલ્લાઓમાં આવેલી કચેરીઓ, બીએમસી કેન્દ્રો તેમજ ગ્રામ્યકક્ષાએ સંસ્થાના દૂધ એકત્રીકરણ કેન્દ્રોમાં રાજ્યના વન વિભાગના સહકારથી વૃક્ષા રોપણ ઝંંુબેશ હાથ ધરી ૪૧૦૦થી વધુ વૃક્ષોનું વાવેતર કરાયું છે.
વિશ્વમાં એક તરફ જંગલો ઘટતા જાય છે અને બીજી તરફ ગ્લોબલ વોૃમિંગને કારણે પર્યાવરણને ભારે નુકસાન પહોંચી રહ્યું છે. લોકો વધુને વધુ વૃક્ષો વાવ અને તેનો ઉછેર કરે તે માટે સરકાર દ્વારા બહોળો પ્રચાર-પ્રસાર કરી જાગૃતિ ફેાલવવામાં આવી રહી છે. ત્યારે સૌરાષ્ટ્ર-કચ્છના દૂધ ઉત્પાદકોની સંસ્થા માહી ડેરી દ્વારા વન વિભાગના સહયોગથી એક પેડ મા કે નામ અભિયાન અંતર્ગત સમગ્ર રાજ્યમાં વૃક્ષોનું વાવેતર કરી તેનો ઉછેર કરવા ઝંુબેશ હાથ ધરવામાં આવી છે તેના અનુસંધાને વિવિધ જિલ્લાઓમાં આવેલી સંસ્થાની કચેરીઓ, બીએમસી કેન્દ્રો અને દૂધ એકત્રીકરણ કેન્દ્રોમાં લીમડા, કરંજ, ગુલમહોર, બોરસલી, ઉમરો, ગરમાળો વગેરે વૃક્ષોનું વાવેતર કરવામાં આવ્યું હતું. સંસ્થાના કર્મચારીઓ, સહાયકો અને સભાસદો દ્વારા મોરબી, ભાવનગર, બોટાદ, અમરેલી, સુરેન્દ્રનગર, કચ્છ, પોરબંદર, જામનગર, જુનાગઢ, ગિર સોમનાથ, દેવભૂમિ દ્વારકા વગેરે જિલ્લાઓમાં વૃક્ષોનું વાવેતર કર્યા પછી તેનો ઉછેર કરી સગમ્ર વિસ્તારને લીલોછમ કરવાનું આયોજન કરાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
