Author: નોબત સમાચાર
ઘરમાં ઘૂસેલા શખ્સોને પડકારવામાં આવતા દસ વ્યક્તિએ કર્યાે પ્રહાર
દંપતી સહિત ત્રણને આડેધડ ફટકારવામાં આવ્યાઃ
જામનગર તા. ૪: જામનગરમાં ગયા સપ્તાહે વરસેલા ભારે વરસાદ વચ્ચે એક પરિવાર પોતાનું મકાન બંધ કરીને ચાલ્યો ગયો હતો ત્યાંથી પરત આવતી વખતે તેમના મકાનમાં ચાર શખ્સ જોવા મળ્યા હતા. તેને પડકારાતા આ ચાર શખ્સ અને અન્ય છએ હથિયારોથી આ પરિવાર પર હુમલો કરી આડેધડ માર માર્યાે હતો.
જામનગરના ગુલાબનગર પાસે આવેલી નવાનગર બેંકના ઢાળીયા નજીક રહેતા નકુમ જયેશભાઈ દામજીભાઈ અને તેમના પત્ની, પુત્ર નૈતિક તથા ભત્રીજા વિશાલ ગઈ તા.ર૭ની સવારે વરસતા વરસાદ વચ્ચે ઘરની બહાર નીકળી ગયા પછી જ્યારે પરત આવ્યા ત્યારે તેમના મકાનના પાછળના ઓરડાના પતરા પર રતીલાલ સવાસરીયાનો મોટો પુત્ર તથા અન્ય શખ્સ જોવા મળ્યા હતા. જ્યારે રતીલાલ તથા તેનો ભાણેજ રૂમના દરવાજામાં ઉભેલા હતા.
આ ચારેયને પડકારવામાં આવતા અને પોલીસને જાણ કરવાનું કહેવાતા ચારેય શખ્સ ત્યાંથી નાસી ગયા હતા. તે પછી થોડીવારમાં જયેશભાઈના ઘર પાસે ધસી આવેલા રતીલાલ ગાંડાલાલ, તેના પુત્ર, ભાણેજ, એક અજાણ્યો શખ્સ, પિન્ટુ અશોકભાઈ સવાસરીયા, રમેશ સવાસરીયાનો પુત્ર, રતીલાલનો બીજો દીકરો, ગીતાબેન રતીલાલ અને એક અજાણ્યા મહિલા સહિત દસ વ્યક્તિએ કુહાડી, પાઈપ, ધોકા, લાકડી, કાચની બોટલ, પથ્થર વડે હુમલો કરી જયેશભાઈ તથા તેમના પત્ની, ભત્રીજાને ઈજા કરી હતી. જયેશભાઈનો હુમલામાં હાથ ભાંગી ગયો છે. તેઓએ તમામ દસ સામે સિટી બી ડિવિઝનમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
