Advertisement
Author: નોબત સમાચાર

અગાઉની માથાકૂટનો ખાર રાખી શહેરમાં બે પાડોશી વચ્ચે ઝઘડો

ગાળો ભાંડી ધમકી આપ્યાની બંનેની ફરિયાદઃ

                                                                                                                                                                                                      

જામનગર તા. ૨૨: જામનગરના શંકરટેકરી વિસ્તારમાં રહેતા એક યુવાન તથા તેના પુત્રને અગાઉની બોલાચાલીના કારણે એક શખ્સે ગાળો ભાંડી લાકડી ઉગામી મારી નાખવાની ધમકી આપ્યાની ફરિયાદ કરાઈ છે. સામાપક્ષે પણ વળતી ફરિયાદ નોંધાવી છે.

જામનગરના શંકરટેકરી વિસ્તારમાં નવી નિશાળ પાસે રહેતા ઈકબાલ કાસમ ખફી ઉર્ફે ઈકા નામના યુવાન તથા તેના પુત્રને ગઈકાલે સાંજે તેના ઘર પાસે રોકી લઈ પાડોશી સાજન યુસુફ ખફીએ ગાળો ભાંડી મારી નાખવાની ધમકી આપી હતી અને લાકડી ઉગામી હતી. પંદરેક વર્ષ પહેલાં થયેલા ઝઘડાનો ખાર રાખી આ શખ્સે બોલાચાલી કર્યાની ફરિયાદ કરાઈ છે.

તે ફરિયાદની સામે નાસ્તાની રેંકડી ચલાવતા અને શંકરટેકરીમાં જ રહેતા સાજન યુસુફ ખફીએ વળતી ફરિયાદ નોંધાવી છે. જેમાં તેણે જણાવ્યા મુજબ અગાઉ થયેલી માથાકૂટનો ખાર રાખી ગઈકાલે સાંજે ઈકબાલ કાસમ ખફીએ ગાળો ભાંડી બોલાચાલી કર્યા પછી લાકડી ઉગામી મારી નાખવાની ધમકી આપી હતી. પોલીસે બંને પક્ષની ફરિયાદ નોંધી છે અને આરોપીઓની ધરપકડ માટે તજવીજ હાથ ધરી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh