ટાઉનહોલ સર્કલનો રિલાયન્સ દ્વારા વિકસાવવાની દરખાસ્તનો સૈદ્ધાંતિક સ્વીકાર

Author: નોબત સમાચાર

ટાઉનહોલ સર્કલનો રિલાયન્સ દ્વારા વિકસાવવાની દરખાસ્તનો સૈદ્ધાંતિક સ્વીકાર

જામ્યુકોની સ્ટેન્ડીંગ કમિટીમાં રૂ. સાડા ત્રણ કરોડનો ખર્ચ દરખાસ્તો રજૂ

જામનગર તા. ૧૫: જામનગરમાં ટાઉનહોલ સર્કલને રિલાયન્સ ઇન્ડસ્ટ્રીઝ લી. દ્વારા ડેવલપ કરવા દરખાસ્તનો જામ્યુકોની સ્ટેન્ડિંગમાં સૈધાંતિક સ્વીકાર કરવામાં આવ્યો હતો. સ્ટેન્ડિંગ કમિટીમાં સાડા કરોડની દરખાસ્તોમાંથી પોણા ત્રણ કરોડની દરખાસ્ત અધ્યક્ષ સ્થાનેથી રજૂ થઈ હતી.

જામનગરમાં મ્યુનિસિપલ ટાઉનહોલ પાસેના સર્કલને ડેવલોપ કરવાના કામની દરખાસ્તનો આજે સ્ટેન્ડિંગ કમિટીએ સૈદ્ધાંતિક સ્વીકાર કર્યો હતો. આજની સ્ટેન્ડિંગ કમિટીમાં કુલ ૩ કરોડ ૫૧ લાખના ખર્ચની દરખાસ્તોને મંજૂરી આપવામાં આવી હતી જેમાં પોણા ત્રણ કરોડની દરખાસ્તો અધ્યક્ષ સ્થાનેથી રજૂ થઈ હતી.

જામનગર મહાનગરપાલિકાની સ્ટેન્ડિંગ કમિટીની બેઠક આજે તારીખ તા. ૧૫-૦૫-૨૦૨૫ના નિલેશ બી. કગથરાના અધ્યક્ષ સ્થાને મળી હતી. જેમાં કુલ ૯ સભ્યો ઉપરાંત મેયર વિનોદભાઈ ખીમસૂર્યા, ડે. મેયર ક્રિષ્નાબેન સોઢા, ડે. કમિશનર દેવેન્દ્રસિંહ ઝાલા, ઇચા. આસી. કમિશનર (વ.) ભાવેશભાઈ જાની, ઇચા. આસી. કમિશનર (ટે.) જીજ્ઞેશ નિર્મલ વગેરે ઉપસ્થિત રહૃાા હતા.

જામનગર સેવા સદનની વોટર વર્કસ શાખાના બોરીંગ વિભાગ માટે ગેલ્વેનાઈઝ તથા બોરીંગ આઈટમ ખરીદ કરવા માટેનો વાર્ષિક ખર્ચ રૂ. ૧૦ લાખ મંજુર કરવામાં આવ્યો હતો.

શંકર ટેકરી ઝોન વિસ્તારમાં સ્ટ્રેન્ધનીંગ એન્ડ અપગ્રેડેશન ઓફ એક્ઝીસ્ટીંગ વોટર પાઈપ લાઈન નેટવર્ક તથા નવી આર.સી.સી. / બ્રીક મેશનરી વાલ્વ ચેમ્બર બનાવવાના બે વર્ષના કામ અંગે રૂ. ૧૫ લાખ, બેડી અને માધાપર ભુંગા ઝોન વિસ્તારમા સ્ટ્રેન્ધનીંગ એન્ડ અપગ્રેડેશન ઓફ એક્ઝીસ્ટીંગ વોટર પાઈપ લાઈન નેટવર્ક તથા નવી આર.સી.સી. / બ્રીક મેશનરી વાલ્વ ચેમ્બર બનાવવાના બે વર્ષ કામ અંગે રૂ. ૨૦ લાખ, વોટર વર્કસ શાખાના સીટી વિસ્તાર તથા હેડ વર્કસ ઉપર સ્પેશીયલ પ્રકારના કામ માટે એમ.એસ. સપ્લાય કરી ફીટીંગ કરવાના બે વર્ષના કામ અંગે રૂ. ૨૦ લાખના ખર્ચ મંજુર કરવામાં આવ્યો હતો.

સીવીલ વેસ્ટ ઝોન (વોર્ડ નં. ૧, ૬ અને ૭) માં સ્ટ્રેન્ધનીંગ એન્ડ અપગ્રેડેશન ઓફ બિલ્ડીંગ વર્કસના કામ અંગે રૂ. ૫ લાખ, સીવીલ સાઉથ ઝોન (વોર્ડ નં. ૮, ૧૫ અને ૧૯) માં સ્ટ્રેનધનિંગ એન્ડ અપગ્રેસેશન ઓફ બિલ્ડીંગ વર્કસના કામ અંગે રૂ. ૫ લાખ, સીવીલ સાઉથ ઝોન (વોર્ડ નં. ૮, ૧૫ અને ૧૬) માં સ્ટ્રેન્ધનીંગ એન્ડ અપગ્રેડેશન ઓફ ગાર્ડન વર્કસના કામ અંગે રૂ. ૫ લાખના ખર્ચ મંજુર કરાયો હતો.

જામનગર શહેરમાં નવનિર્મિત ત્રણ શહેરી સામુહિક આરોગ્ય કેન્દ્રનું ત્રણ વર્ષ માટે ઓપરેશન એન્ડ મેઈન્ટેનન્સ કરવાના કામ અંગેની કમિશનરની દરખાસ્ત પેન્ડીંગ રાખવામાં આવી હતી

જામનગર શહેરની મધ્ય ભાગમાં આવેલ મ્યુનિસિપલ ટાઉનહોલ પાસેના સર્કલને રિલાયન્સ ઈન્ડસ્ટ્રીઝ લી. દ્વારા ડેવલોપ કરવાના કામ અંગે કમિશનરની રજુ થયેલ દરખાસ્તનો સૈધ્ધાંતિક સ્વીકાર કરવામાં આવ્યો હતો.

આ ઉપરાંત ત્રણ દરખાસ્તો અધ્યક્ષ સ્થાનેથી રજૂ કરવામાં આવી હતી. જેમાં પ્રિમોન્સુન કામગીરી ભાગ-૧ થી ૯માં આવેલ ઓપન, કવર્ડ કેનાલ, નાલા-પુલિયા વિગેરેની મશીનરી તથા મેન્યુલ સફાઈ કરવાના કામ અંગે રૂ. ૪૮.૫૬ લાખના ખર્ચને મંજૂરી આપવામાં આવી હતી.

વોર્ડ નં. ૧૬, કિર્તીપાન થી સરદાર પાર્કથી વૃંદાવન પાર્ક બોકસ કેનાલ સુધી સ્ટ્રોમ વોટર પાઈપ ડ્રેનેજના કામ અંગે રૂ. ૧૨૩.૧૭ લાખ નું ખર્ચ મંજુર કરાયું હતું. તથા સીવીલ નોર્થ ઝોન (વોર્ડ નં. ૩) વિસ્તારમાં ખાનગી સોસાયટીઓમાં, ગુજરાત હાઈસીંગ બોર્ડની વસાહતોમાં તથા અન્ય રહેણાંક વિસ્તારોમાં લોકભાગીદારીથી માળખાકીય સુવિધાઓની વિકાસની યોજના અંતર્ગત સી.સી. રોડ / સી.સી. બ્લોક (પેવર બ્લોક)ના કામ અંગે રૂ. ૧૦૦ લાખ ના ખર્ચ મંજુર રખાયો હતો. આમ આજની બેઠકમાં કુલ રૂ. ૩ કરોડ ૫૧ લાખના જુદા જુદા વિકાસ કામોને મંજૂરી અપાઈ હતી.

અત્રે ઉલ્લેખની એ છે કે આજની કુલ રૂ. સાડા ત્રણ કરોડના ખર્ચની દરખાસ્તોમાંથી પોણા ત્રણ કરોડની દરખાસ્ત અધ્યક્ષ રજૂ કરવામાં આવી હતી.

જો આપને આ પોસ્ટ ગમી હોય તો શેર કરો...