ચાવડા ગામમાં આવેલી ખેતીની જમીન અંગેના દાવામાં અદાલત દ્વારા આદેશ

Author: નોબત સમાચાર

ચાવડા ગામમાં આવેલી ખેતીની જમીન અંગેના દાવામાં અદાલત દ્વારા આદેશ

કલેક્ટર તથા નાયબ મામલતદારને હાજર થવા હુકમઃ

જામનગર તા. ૧૫: જામનગરના ચાવડા ગામમાં એક રેલવે પોલીસ કર્મચારીએ ખરીદેલી જમીન અંગે અરજી આપી તેઓને ત્યાં ખેતીકામ કરતા અટકાવાતા અદાલત સમક્ષ દાવો કરાયો છે. જેમાં અદાલતે કલેક્ટર તથા નાયબ મામલતદારને હાજર થવા આદેશ કર્યાે છે.

જામનગર તાલુકાના મોટી લાખાણી ગામના રહેવાસી અને રેલવે પોલીસમાં ફરજ બજાવતા પ્રદીપસિંહ જાડેજા એ ચાવડા ગામમાં રે.સ.નં. ૫૦૧ વાળી જગ્યા ખરીદવા અવેજ ચૂકવ્યા પછી દસ્તાવેજ બનાવડાવ્યો હતો.

ત્યારપછી સ્થળ પર રોજ કામ માટે આવેલી નાયબ મામલતદાર (દબાણ શાખા) સ્ટાફે ખેતીકામ અટકાવવાની સૂચના આપી હતી અને તમે દબાણ કર્યું છે તેમ જણાવતા પ્રદીપસિંહે અદાલતનો આશરો લીધો હતો. કલેેકટર સમક્ષ દબાણ શાખાના મામલતદાર તથા અરજી કરનાર બળુભા જાડેજા સામે કાયમી મનાઈહુકમ મેળવવા દાવો દાખલ કરવાની કાર્યવાહી કરાતા કાયદા મુજબ સરકારને આપવાની સીપીસી કલમ ૮૦ની નોટીસ અંગે વાદીના વકીલની દલીલ ગ્રાહ્ય રાખી તેને વેઈવ કરી જામનગર કલેકટર તથા નાયબ મામલતદારને હાજર થવા હુકમ કરાયો છે. વાદી તરફથી વકીલ અનિલ જી. મહેતા, અર્જુનસિંહ સોઢા, રઘુવીરસિંહ જાડેજા, ભરત વસરા રોકાયા છે.

જો આપને આ પોસ્ટ ગમી હોય તો શેર કરો...