Author: નોબત સમાચાર
જામનગરમાં પરમાર ક્ષત્રિય મૂળી ચોવીસીનો અગ્રણીઓની ઉપસ્થિતિમાં પાંચમો સ્નેહ મિલન- વિદ્યાર્થી સન્માન સમારંભ
સંસ્થાના નવા પ્રમુખ-ઉપ્રમુખ વરાયાઃ વિદ્યાર્થીઓને કારકિર્દિ અંગે માર્ગદર્શનઃ
જામનગર તા. ૨૬: જામનગરમાં પરમાર ક્ષત્રિય સમાજ મૂળી ચોવીસીનો પાંચમો સ્નેહ મિલન અને વિદ્યાર્થી સન્માન સમારોહ યોજાયો હતો. ડી.વાય.એસ.પી. જયવીરસિંહ ઝાલાએ વિદ્યાર્થીઓને ઉજ્જવળ કારકિર્દી વિશે પ્રેરક માર્ગદર્શન આપ્યું હતું. તે ઉપરાંત સંસ્થાના નવા પ્રમુખ તરીકે દિલીપસિંહ પરમાર તથા ઉપપ્રમુખ તરીકે ક્રિપાલસિંહ પરમારની વરણી કરાઈ હતી.
શહેરના ગીતા મંદિરમાં શ્રી પરમાર ક્ષત્રિય સમાજ મૂળી ચોવીસી, જામનગર દ્વારા પાંચમો સ્નેહ મિલન તથા વિદ્યાર્થી સન્માન સમારોહ યોજવામાં આવ્યો હતો.આ કાર્યક્રમમાં ડી.વાય.એસ.પી. શ્રી જયવીરસિંહ ઝાલાએ વિશેષ ઉપસ્થિત રહીને વિશિષ્ટ પ્રતિભા ધરાવતા અને ઉચ્ચ ક્રમાંક મેળવેલ વિદ્યાર્થીઓને સન્માનિત કર્યા હતા.
તેમણે વિદ્યાર્થીઓને તેમની ઉજ્જવળ કારકિર્દી માટે અત્યંત પ્રેરક અને ઉપયોગી માર્ગદર્શન આપ્યું હતું. આ પ્રસંગે સંસ્થાના સંગઠનને વધુ મજબૂત બનાવવા માટે નવા હોદ્દેદારોની વરણી કરવામાં આવી હતી, જેમાં સંસ્થાના નવા પ્રમુખ તરીકે ડી.આઈ.એલ.આર. દિલીપસિંહ પરમાર અને ઉપ પ્રમુખ તરીકે ક્રિપાલસિંહ પરમારની પસંદગી કરવામાં આવી હતી.
આ કાર્યક્રમ દરમિયાન ઉપસ્થિત જ્ઞાતિજનોને સંબોધતા દિલીપસિંહ પરમાર, અનિરુદ્ધસિંહ પરમાર અને દાદભા પરમારે પરમાર વંશના ભવ્ય ઇતિહાસ અને ગૌરવશાળી પરંપરાઓ વિશે પ્રવચનો આપ્યા હતા.
કાર્યક્રમની શરૂઆતમાં વિરેન્દ્રસિંહ પરમારે સ્વાગત પ્રવચન દ્વારા મહેમાનોનું અભિવાદન કર્યું હતું, જ્યારે સમગ્ર કાર્યક્રમનું સફળ સંચાલન કુલદીપસિંહ પરમારે સંભાળ્યું હતું. અંતમાં નવનિયુક્ત પ્રમુખ દિલીપસિંહ પરમારે આભારવિધિ કરી હતી.
આ કાર્યક્રમને સફળ બનાવવા માટે મંત્રી રઘુવીરસિંહ પરમાર, ગજેન્દ્રસિંહ પરમાર, મયુરધ્વજસિંહ પરમાર, ધર્મેન્દ્રસિંહ પરમાર, પ્રતિપાલસિંહ પરમાર, અભિજીતસિંહ પરમાર, ઓમદેવસિંહ પરમાર, સહદેવસિંહ પરમાર, મયુરસિંહ પરમાર, પ્રદ્યુમનસિંહ પરમાર, વનરાજસિંહ પરમાર, ધર્મેન્દ્રસિંહ પરમાર, હરપાલસિંહ પરમાર, કુલદીપસિંહ પરમાર, દિગુભા પરમાર, સહિતના અગ્રણીઓએ જહેમત ઉઠાવી હતી. આ કાર્યક્રમમાં બહોળી સંખ્યામાં ભાઈઓ, બહેનો અને વિદ્યાર્થીઓ હાજર રહૃાા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
