ખાનગી કંપનીમાં સ્ટીમ લીકેજ થતાં એક શ્રમિક પટકાતા જોઈ બીજા શ્રમિકને હાર્ટએટેક

Author: નોબત સમાચાર

ખાનગી કંપનીમાં સ્ટીમ લીકેજ થતાં એક શ્રમિક પટકાતા જોઈ બીજા શ્રમિકને હાર્ટએટેક

બેભાન બની ગયા પછી હૃદયરોગનો હુમલોઃ

જામનગર તા. ૩૦: ખંભાળિયા-જામનગર રોડ પર નયારા કંપનીમાં ત્રણ સપ્તાહ પૂર્વે સ્ટીમ લીકેજ થતાં એક વ્યક્તિ પટકાયા હતા. તેને જોઈ અન્ય એક પરપ્રાંતીય શ્રમિક ચક્કર આવતા બેભાન બની ગયા હતા. આ શ્રમિકનું હૃદયરોગનો હુમલો આવી જતા મૃત્યુ નિપજ્યું છે.

લાલપુર તાલુકાના મીઠોઈ ગામમાં આવેલા કર્મયોગી નિવાસમાં વસવાટ કરતા અને નયારા કંપનીમાં આરબીએમ કંપનીમાં રીંગર તરીકે નોકરી કરતા ચંદનકુમાર યોગેન્દ્ર ઠાકુર (ઉ.વ.ર૪) નામના પરપ્રાંતીય યુવાનને ગઈ તા.૮ની બપોરે તેઓ બેભાન બન્યા પછી હૃદયરોગનો હુમલો આવી જતાં તેમનું મૃત્યુ નિપજ્યાનું પોલીસમાં જાહેર થયું છે.

આ અપમૃત્યુ અંગે મૂળ બિહારના રાજપુરના વતની અને હાલમાં કર્મયોગી નિવાસમાં રહેતા મુકેશકુમાર રામચંદ્ર શાહગુપ્તા નામના યુવાને પોલીસને જાણ કરી છે. જેમાં તેઓએ જણાવ્યા મુજબ ગઈ તા.૮ની બપોરે દેવરીયા ગામ પાસે નયારા કંપનીમાં સીડીયુ-ર વિભાગમાં સ્ટીમ લીકેજ થઈ હતી. જેમાં એક વ્યક્તિને પડી જવાથી ઈજા થઈ હતી. તે દૃશ્ય નીહાળી ચંદનકુમારને પણ ચક્કર આવતા પડી ગયા હતા અને સારવારમાં ખસેડાયા હતા. જ્યાં તેઓને હૃદયરોગનો હુમલો આવી જતા તેમનું મૃત્યુ નિપજ્યું છે. ખંભાળિયા પોલીસે અપમૃત્યુ અંગે નોંધ કરી તપાસ શરૂ કરી છે.

જો આપને આ પોસ્ટ ગમી હોય તો શેર કરો...