કર્મચારીઓની કામગીરીનું સમયાંતરે મૂલ્યાંકન તથા રેશનકાર્ડ ઈકેવાયસી પ્રક્રિયા ઝડપી કરવા અંગે તાકીદ

Author: નોબત સમાચાર

કર્મચારીઓની કામગીરીનું સમયાંતરે મૂલ્યાંકન તથા રેશનકાર્ડ ઈકેવાયસી પ્રક્રિયા ઝડપી કરવા અંગે તાકીદ

મહેસુલી અધિકારીઓની બેઠકમાં કલેકટર દ્વારા

જામનગર તા. ૧૮: જામનગર જિલ્લા કલેકટર કેતન ઠકકરની અધ્યક્ષતામાં મહેસુલી અધિકારીઓની બેઠક યોજાઈ હતી. જેમાં કચેરીઓમાં રેકર્ડ વર્ગીકરણની કામગીરી અને પડતર અરજીઓનો સમય મર્યાદામાં નિકાલ કરવા રેશનકાર્ડ ઈકેવાયસી ઝડપી બનાવવા અને કર્મચારીઓની કામગીરીનું સમયાંતરે મૂલ્યાંકન કરવા તાકીદ કરી હતી.

જામનગર જીલ્લા કલેકટર કેતન ઠક્કરના અધ્યક્ષ સ્થાને કલેકટર કચેરીના સભાખંડમાં મહેસુલી અધિકારીઓની બેઠક યોજવામાં આવી હતી. જેમાં જમીન શાખા, અપીલ શાખા, યુ.એલ.સી.શાખા, મહેકમ શાખા,ઈ-ધરા શાખા, વહિવટ શાખા, રજીસ્ટ્રી શાખાની કામગીરી અને પડતર કેસો તથા અને પુરવઠા કચેરીની કામગીરી વિષે ચર્ચા કરી કલેકટરે લગત અધિકારીઓ દ્વારા થઇ રહેલી કામગીરીની વિગતો મેળવી જરૂરી સૂચનો કર્યા હતા.

આ બેઠકમાં વિવિધ મુદ્દાઓ જેમાં સરકારી વિભાગોને જમીન ફાળવણીના કેસોની વિગતો, જમીન માપણી, લેન્ડ ગ્રેબિંગની અરજીઓ અને તેને લઈને થઇ રહેલી કામગીરીની વિગતો, જે તે વિભાગોની જમીન માંગણી અંગેના પ્રકરણો, તકેદારી આયોગના બાકી રેફરન્સના કેસો, મામલતદારશ્રીઓની કામગીરી અંગેની વિગતો, સરકારી જમીનની ચકાસણી, સરકારી લ્હેણાની વસુલાતની સમીક્ષા અંગે ચર્ચા કરવામાં આવી હતી.

કલેકટરે પડતર અરજીઓનો સમય મર્યાદામાં નિકાલ આવે સકારાત્મક દિશામાં આયોજનબદ્ધ કામગીરી કરવા મહેસુલી અધિકારીઓને જણાવ્યું હતું. તેમજ જે તે કચેરીઓને રેકર્ડ વર્ગીકરણની કામગીરી કરવા સુચન આપ્યું હતું. તથા કર્મચારીઓ દ્વારા કરાતી કામગીરીનું સમયાંતરે મૂલ્યાંકન થાય તેના પર ધ્યાન આપવા જણાવ્યું હતું. અને રેશનકાર્ડ ઈકેવાયસીની પ્રક્રિયા વેગવંતી બનાવવા કલેકટરએ માર્ગદર્શન પૂરું પાડ્યું હતું. આ બેઠકમાં પ્રાંત અધિકારીઓ, મામલતદારો, લગત વિભાગના અધિકારીઓ વગેરે હાજર રહૃાા હતા.

જો આપને આ પોસ્ટ ગમી હોય તો શેર કરો...