Author: નોબત સમાચાર
આઈપીએલની મેચ પર સટ્ટો રમતો શખ્સ ઝબ્બેઃ અન્ય એકનું નામ ખૂલ્યું
જોડિયામાંથી બે વર્લીબાજની ધરપકડઃ
જામનગર તા.૧૮ : જામનગરના ક્રિકેટ બંગલાની શેરી નં.રમાંથી એક શખ્સને પોલીસે મોબાઈલમાં ક્રિકેટનો સટ્ટો રમતો પકડી પાડ્યો છે. તેણે આઈડી આપનાર રાજકોટના શખ્સનું નામ આપ્યું છે. જોડિયા શહેરમાંથી વર્લીના આંકડા લખતા બે શખ્સ ઝડપાયા છે.
જામનગરના ગુરૂદ્વારા સર્કલ નજીક ક્રિકેટ બંગલા શેરી નં.રમાં એક દુકાન પાસે ગઈકાલે સાંજે એક શખ્સ પોતાના મોબાઈલમાં ક્રિકેટનો સટ્ટો રમતો હોવાની બાતમી મળતા સિટી બી ડિવિઝનના સ્ટાફે દરોડો પાડ્યો હતો.
ત્યાં નાગેશ્વર કોલોનીમાં સિદ્ધાર્થ એપાર્ટમેન્ટમાં રહેતો ધર્મેશ મહેન્દ્રભાઈ ભીંડોરા નામનો શખ્સ પોતાના મોબાઈલમાં એક આઈડી પરથી ગઈકાલની આઈપીએલ મેચ પર સટ્ટો રમતો મળી આવ્યો હતો. પોલીસે તેનો મોબાઈલ, રૂ. ૧૪૨૦ રોકડા કબજે કર્યા છે. આ શખ્સે રાજકોટના જીજ્ઞેશ કારીયા નામના શખ્સે આઈડી આપી હોવાની કબૂલાત કરી છે.
જોડિયા શહેરના આંબેડકર ચોક નજીક ગઈકાલે સાંજે વર્લીના આંકડા લખતા વસીમ હૈદરઅલી માણેક, અશોક કાનાભાઈ પારીયા નામના બે શખ્સને પોલીસે પકડી લઈ રૂ. ૬૦ હજારનું સ્કૂટર, ત્રણ મોબાઈલ, રૂ. ૫૭૦૦ રોકડા મળી કુલ રૂ. ૭૬,૨૦૦નો મુદ્દામાલ કબજે કર્યાે છે. આ શખ્સોએ કપાત લેતાં જોડિયાના જ હનીફ દાઉદ સનાનું નામ આપ્યું છે. ત્રણેય સામે ગુન્હો નોંધાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
