Author: નોબત સમાચાર
લોન મંજૂર કરાવી દેવાનું કહી બે શખ્સે હજારો રૂપિયાની ઠગાઈ કર્યાની ફરિયાદ
ચેકની ઝેરોક્ષ આપી દઈ ફોસલાવી લેવાયાઃ
જામનગર તા. ૨૫: જામનગરના ધુંવાવ ગામના એક આસામીએ મકાન માટે લોન લેવાની શરૂ કરેલી તજવીજમાં ટાઉનહોલ પાસે ઓફિસ ધરાવતા બે આસામીએ લોન અપાવી દેવાનું કહી રૂ.૬૦૮૦૦ મેળવી લીધા પછી ખોટો ચેક બનાવી તેની ઝેરોક્ષ આપી દઈ ઠગાઈ કર્યાની પોલીસમાં ફરિયાદ કરાઈ છે.
જામનગર-રાજકોટ ધોરીમાર્ગ પર આવેલા ધુંવાવ ગામની ધીંગેશ્વર સોસાયટીમાં રહેતા ખીમાભાઈ મંગાભાઈ સોલંકી નામના ભરવાડ યુવાને ટાઉનહોલ નજીક કોમ્પલેક્ષમાં ઓફિસ ધરાવતા ધનરાજ મનોજભાઈ દત્તાણી ઉર્ફે રાજ તથા વિવેક બિપીનભાઈ વેગડ સામે ઠગાઈ કરવા અંગે સિટી બી ડિવિઝન પોલીસ સ્ટેશનમાં ફરિયાદ નોંધાવી છે.
અંદાજે અઢી મહિના પહેલાં ખીમાભાઈને મકાન માટે લોન લેવાની હતી. તે માટે ટાઉનહોલ પાસે ઓફિસ ધરાવતા મૂળ ખંભાળિયાના અને હાલમાં પટેલ કોલોનીમાં રહેતા ધનરાજ દત્તાણી અને વુલન મીલ નજીક ભક્તિનગરમાં રહેતા વિવેક વેગડનો તેઓએ સંપર્ક કર્યાે હતો. આ બંને શખ્સે લોન અપાવી દેવાનું કહી ખીમાભાઈ પાસેથી રૂ.૬૦૮૦૦ મેળવ્યા હતા. તે પછી લોનની રકમ આજે મળશે-કાલે મળશે તેમ કહી ઠાગાઠૈયા કર્યા પછી એક બનાવટી ચેક તૈયાર કરી તેની ઝેરોક્ષ ખીમાભાઈને આપી દીધી હતી. તે પછી ખીમાભાઈને ઠગાઈ થયાની શંકા પડતા તેઓએ બંને શખ્સ સામે ફરિયાદ નોંધાવી છે. પીઆઈ પી.પી. ઝાની સૂચનાથી પોલીસે બીએનએસની કલમ ૩૧૮ (૪), ૩૩૬ (૩), ૩૩૮, ૬૧ (૧), ૩૪૦ (ર) હેઠળ ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
